Góudidatün san arihei awisahani le ichugúbei luagu touba Luban Wadamuridagun?
Dandu wéiyaaña lidan afiñeni kei ídehatiña lidan damuriguaü hama amu íbirigu ha gánibaña buligasion lidan damuriguaü góudidatiña arihei awisahani le ichugúbei luagu touba Luban Wadamuridagun lun harihini anhein anihein lubéi somu dasi lunti hagunfuliruni. Gama lumoun, anihein giñe ariñahani huuti houn súngubei ñein. Subudi wamuti san ídaba lan warumadahóun Luban Wadamuridagun? Óunahaaru san Beteli o íbiri le óunigirubalin sirkuitu somu gárada súdinitu? Subudi wamaali san liri yanu houn sun gürigia le lunbei lichugúniwa lidan dimaasu le lunbei liabin gayara láamuga wagunbirahaniña gürigia ha aturiahabarun Bíbülia wama? Adügǘwaali san somu asansiruni lidan lóurate ladügǘn somu adamuridaguni o somu asansiruni lubá apurichihani? Michugúnwaali saragu lídangiñe awisahani le lidan adamuridaguni, ani siñaguabaña wéiyaaña lidan afiñeni houngua lun hawisaruniña sun íbirigu. Ligíati buidu lubéi lun góudidadi wamá arihei awisahani le ichugúbei luagu touba Luban Wadamuridagun. Anhein subudi wabalin sun awisahani wadügübei “sun katei lidan lubudubu” (1 Ko. 14:40).