Láguyugun Hesusu darí ladaürǘn Pábulu

Lǘrüwan weyu lárigiñe lounwen, aba láguyuguagüdüniwa Hesusu. Lidan weyu ligía arufudaguati lungua seingü wéiyaasu houn lánigu. Sigiti arufudagua lungua luagu 40 weyu. Dan le añahagua lan fiú lani disipulugu aríaguei, aba lamudeirun sielun. Diisi weyu lárigiñe ruti Bungiu sífiri sandu hawagun lánigu Hesusu ha agurabahabaña Herusalén.

Dan lárigiñe, adügatiñu láganiñu Bungiu lun hadaürǘn apostolugu, gama lumoun líbürei lumutiñu aban ánheli. Ábati lounwen disipulu Esütéban ladüga hachamuragun áganiñu dübü luagun. Furendeitiwa anúadira lani Hesusu apostolu Pábulu keisi lubúein espechaliti. Ligíati, ǘrüwa irumu dimi lárigiñe lounwen Hesusu, óunaha lumuti Bungiu apostolu Féduru apurichiha lun Korunéliu le mama huríu hama tílana luban.

Kéiburi 13 irumu lárigiñe aba latatiruni Pábulu furumiñeti luéiyasun le lani apurichihani. Lidan libiaman luéiyasun, ñǘdünti Timotéu luma. Lun Pábulu hama lupaanágu lidan wéiyaasu, gíbeti sügǘ le íchuguti ugundani lidan heseriwidun lun Bungiu. Lárigiñe, aba ladaürǘn Pábulu Roma. Furíti lidan bián irumu, larigiñe giribuyati furisunrugu aba háfaruni. FÁNREINTI 7 susereti lidan 32 irumu.