Arihúati luéirigun Heowá lidan sun le ladügübei

1. Wabungiute, luagu buéirigun

layanuha lueirin sielu woun.

Eremuhati sagü weyu bun

uremu buiti lun balawahóun.

Eremuhati sagü weyu bun

uremu buiti lun balawahóun.

2. Lubuidun sielu le narihibei,

lueirin Weyu le badügübei

ligía aweiridagüdübarun

nanigi lau beberesedun wau.

Ligía aweiridagüdübarun

nanigi lau beberesedun wau.

3. Ma sandu lan bilurudun, Heowá,

hanarime ligía haruma lan

sügǘ lau golu le ámirihabei,

sügǘ lau sírudu le bímebei.

Sügǘ lau golu le ámirihabei,

sügǘ lau sírudu le bímebei.