Aban emenigini le íchugubei saragu ugundani woun

Ítara liña emenigini kei aban óunguru (Ebü 6:19). Íderagua lumutiwa awanda dan le liábingua turobuli woun lidan weseriwidun lun Heowá (1 Tim 1:18, 19). Kéiburi dan le wasandirun íruni ladüga mítaran lan katei kei wagurabuni, weferidiruni wamegegun, wálüdün lau sandi, lounwen somu waduhe o wagagibudagun luma furumiñeguarügü amu sügǘ le adügǘti lun gürewei lan woun úaragua wamá lun Heowá.

Íderagua lumutiwa afiñeni luma emenigini asaminara luagun afayeiruahaü le füramase wáalibei woun (2 Ko 4:16-18; Ebü 11:13, 26, 27). Ligía mosu lubéi gabügürügua lan wararamagun asaminara luagun burí füramasei le tídanbei Bíbülia derebugu láamuga emenigini le wawagubei lun lan yebe wawinwandun sielu o ubouagu. Ítarati, ménrenguntimabei woun wakipuruni wagundan danme le ladiheridagüdüniwa lénrengunga le úmabei wagagibudagua (1 Fe 1:6, 7).

LÁRIGIÑE HARIHINI BIDÉU “REGOCÍJENSE EN LA ESPERANZA”, ÓUNABA HUMÉI ÁLÜGÜDAHANI BURÍ LE:

• Ka uagu ru lubéi Moisesi aban hénpulu buiti woun?

• Ka buligasion hánibei hachügüdina iduheñu?

• Ka burí katei uágubei gayara lan haturiahan lidan háhuduragun lun Bungiu keisi iduheñu?

• Ida liña gayara lan líderaguniwa emenigini agagibudagua luma lénrengunga lau afiñeni?

• Kátima hayumahabei?