• Programa lubá dimaasu lánina 28 lidan nefu-hati
    Wani Ministeriu 2015 | nefu-hati

    • Programa lubá dimaasu lánina 28 lidan nefu-hati

      DIMAASU LÁNINA 28 LIDAN NEFU-HATI

      Uremu númeru 38 luma furíei

      Taturiahóun Bíbülia lidan Damuriguaü

      ll páh. 24 luma 25 (30 min.)

      Leskuela Kristiánu lánina Apurichihani

      Aliihani tídangiñe Bíbülia: 2 Urúeigu 23–25 (8 min.)

      Núm. 1: 2 Urúeigu 23:8-15 (3 min. o ménosu)

      Núm. 2: Ka uagu súdini lubéi álügüdahani le wadarirubei lidan Matéu 24:3? (bm páh. 22 pár. 1) (5 min.)

      Núm. 3: Barüti ínsiñeni luma gaganbadi ugundani (igw páh. 22 pár. 4-6) (5 min.)

      Adamuridaguni lánina Eseriwiduni

      Tema le anuadirúbei lubá hati le: Apurichiha waméi uganu buiti “darí lumoun lagumuhóun” (Adügaü 20:24).

      Uremu númeru 45

      10 min. Apurichihati meha Pábulu hama lupaanágu Filipu darí lumoun lagumuhóun. Akutihani hama íbirigu. Amuriaha humá lun laliihani aban hádangiñe lílana damuriguaü Adügaü 16:11-15, ábameti hálügüdahan ida liña lan gayara lan líderaguniwa bérusu burí le lidan wani ministeriu.

      20 min. “Yusu wamóun garüdia Uganu buiti lun warufudahan.” Álügüdahani luma óunabagülei. Lárigiñeme hakutihani párafu 3, arufudualá aban sügǘ le aranserúaali buidu le ídanti lapurichiha aban íbiri tau garüdia Uganu buiti, aba laliihani furumiñeti párafu, ábati lakutihani luma gürigia le unbei lapurichiha.

      Uremu númeru 37 luma furíei

  • Yusu wamóun garüdia Uganu buiti lun warufudahan
    Wani Ministeriu 2015 | nefu-hati

    • 1. Ka un tadügǘwa garüdia Uganu buiti?

      1 Kei warihini lidan arütíkulu le áfuachubei tidan Wani Ministeriu to lánina sedü-hati, garüdia Uganu buiti lúmagiñeti Bungiu ábanboun tídangiñe ídemuei súdinitu to wámaboun lun warufudahani inarüni houn gürigia. Tidan garüdia to, mabürüdǘnwati le lariñagubei bérusu lidan burí párafu, gayara láamuga haliihani gürigia houngua tídangiñe Bíbülia. Adügǘwatu tiibe-agei wani agumeiraguagüdüni lun hafurendeiruni gürigia inarüni hagía houngua, gama lumoun adügǘwatu garüdia to lun taturiahóun lau lídehan aban máisturu. Ligíati, danme le wíchugunu garüdia to lun somu gürigia áfaagua wamá lun wagumeserun aban aturiahani luma, ítara luba lasandiruni ugundani le ibihúbei lídangiñe lafurendeirúniwa uganu buiti (Mat. 13:44).