Ida luba hederebudagüdüni maríeitiña habagari hámagua?

Hínsiñeguatiña ani inebeguatiña meha Abüraámü tuma Sara hámagua (Agu 12:11-13; 1 Fe 3:6). Íbini ítara, chülüti meha dan lun gaturobulin hamá hámagua ladüga gafigoun hamá. Ka gayaraabei hafurendeiruni maríeitiña lídangiñe lubuidun hénpulu le líchugubei Abüraámü tuma Sara?

Súdiniti lun hayanuhan hámagua. Áfaagua humá lun hóunabun lau gálumaü anhein agañida hupaaná ani wuriba ligía layanuhan hun (Agu 16:5, 6). Direi humá dan lun hásügürüni úara. Arufuda huméi lau le hariñagubei luma lau le hadügübei hínsiñegua humá húmagua. Lóugiñe sun katei, kipu huméi Heowá lidan hibagari keisi maríeitiña: lau haturiahan, hafurieidun luma lau háhuduragun lun Bungiu úara (Apu 4:12). Ruti maríei derebuguti uéiriguni lun Heowá, le adügübalin óundaruni sagüráuti le.

ARIHA HUMÉI BIDÉU IDA LUBA LEDEREBUGUDUN MARÍEI?, ÁBAMETI HÓUNABUNI ÁLÜGÜDAHANI BURÍ LE:

• Ka arufudubalin hadisedaguña lan Shaan tuma Kiara hawariuagua?

• Ka uagu súdini lubéi lun furangu lan hayanuhan maríeitiña hámagua?

• Ida liña lahuudun lani Abüraámü tuma Sara hénpulu lun Shaan tuma Kiara?

• Ka ladügübei Shaan tuma Kiara lun derebugu lan habagari keisi maríeitiña?

• Ka uagu moun lumuti lubéi hagurabun maríeitiña lun ua lan turobuli lidan habagari?