LEKSIÓUN 20
Buidulá hagumuchuni le hariñagubei
Apurichihati 12:13, 14
LE LUNBEI HADÜGÜNI: Yusu huméi lagumuhóun burí dimurei le lunbei hariñaguni lun híderaguniña gürigia ha aganbubalün ánhara lun le hafurendeirubei luma lun hayusuruni lidan habagari.
IDA LUBA HADÜGÜNI?
Írida huméi létima uágubei hayanuha lidan lagumuhóun burí dimurei le hariñagubei. Íridaya huméi létima uágubei hayanuha luma puntu burí le súdinibei o ariñaga huméi lidan amu dimurei.
Ínchaha humaña gürigia lun hadügüni le lunbei hadügüni. Arufuda huméi houn ka lan lunbei hadügüni luma ka lan uagu súdini lubéi lun hadügüni. Ayanuha humá houn lau sun taruman hanigi luma lau ichouruni.
Fiurügülá dimurei le ménrengunti gunfurandawa lan hariñaga lidan hagumuchagüle. Mírida humá iseri puntu. Mibelá dimurei hariñagun ani ínchaha humaña gürigia lun hadügüni le lunbei hadügüni.