WABAGARI KEISI KRISTIÁNUGU
Nibureintiña ayanuha humá furangu hama hagübürigu
Ka uagu lunti lubéi babahüdahani houn bagübürigu le basaminarubei? (Ari 23:26). Ladüga rúlaali Heowá dasi houn lun hóunigirunibu luma lun hadundehanibu lidan bibagari (Sal 127:3, 4). Anhein mariñagubá houn bagübürigu le nidiherigüdübadibu o le lan súdinibei bun, hénrengubei houn híderagunibu. Mámarügüñein le, gayaraati giñe beferidiruni sun le gayaraabei bafurendeiruni lídangiñe le winwan hamaalibei, inarüni san mosu lan babahüdahani sun katei houn bagübürigu? Memegeirunti, bariñaguni sun katei houn bagübürigu súnwandan, maramudunrügaadibu ligía le lunbei hasubudiruni (Ari 3:32).
Ida luba gayara lan bayanuhan hama bagübürigu? Áluahaba dan le buiti lun bayanuhan hama. Gayaraati giñe babürüha aban gárada houn aban hádangiñe le ñeinba lubéi gayara lan bafuranguagüdüni le basandirubei. Gama lumoun, ánheinti busén habéi hayanuhan luagu somu katei ani bugía mabuseruntibu? Haritaguabei luagu busén hamá híderagunibu, mama báganiñu bagübürigu, bumadagu. Sun le badügübei lun bayanuhan hama bagübürigu líderagubadibu lidan sun bibagari: guentó luma lun súnwandan (Ari 4:10-12).
LÁRIGIÑE HARIHINI BIDÉU DAN LE NIBUREINGIDIBU: IDA LUBA BAYANUHAN HAMA BAGÜBÜRIGU, ÓUNABA HUMÉI ÁLÜGÜDAHANI BURÍ LE:
Ka un tánhara Esther luma Partik?
Ka gayaraabei bafurendeiruni lúmagiñe Hesusu?
Ida liña harufuduni bagübürigu bun hínsiñeba houn?
Busentiña bagübürigu lun buidu lan lidin bun lidan bibagari.
Ka adundehani tídangiñeti Bíbülia gayaraabei líderagunibu lun bayanuhan hama bagübürigu?