LEKSIÓUN 15
Ayanuha humá lau ichouruni
Rómana 8:38, 39
LE LUNBEI HADÜGÜNI: Arufuda huméi chouru humani le hariñagubei ani súdini lan ariñahani ligía houn gürigia ha aganbubalün.
IDA LUBA HADÜGÜNI?
Aranse humá buidu buidu. Aturiaha huméi ariñahani darí gunfuranda humani puntu burí le súdinibei luma ida liña lan tarufuduni Bíbülia inarüni lan. Áfaagua humá lun hafuranguagüdüni ariñahani lidan fiu dimurei le ménrengunti gunfurandawa lan. Luntimalá ligaburi líderaguniña ariñahani ligía gürigia hetenira. Amuriaha humá luma Heowá lun líchuguni lani sífiri sandu hun.
Yusu humá dimurei le ruti ichouruni. Lubaragiñe hariñaguni dimurei kei aubei bürüwañu lan ariñaga huméi kei ligaburi hayanuhan. Yusu humá dimurei burí le arufudati chouru humani le hariñagubei.
Ayanuha humá tídangiñe sun hanigi. Ayanuha humá lidan aban igaburi le ídehati lun haganbúniwa buidu. Anhein mariban lubéi larihíniwa lidan fulasu le ñein hubéi, ariha humaña gürigia hagibuagun.