Adundehani súdiniti lun gunda lan wabagari
“Híruti nasandiragun nungua dan narihini sun lagübüri katei le asuseredubei ubouagu, kei burí wuribu, gudemei, sandi luma ligaburi houserúniwa irahüñü wuriba. Lau sun le, aniheinhali aban emenigini nuagu” (RANI).a
Daritu Rani ugundani inarüniti danbei tafurendeiruni Búngiurügüñein lan Suntigabafu Le adügübaliwa, gayara líchugun adundehani súdiniti le wemegeirubei woun. Éibume haliihanu garüdia to, ariha huméi ida liña lan líderaguniwa larufudahan Heowá lun:
Gunda hamá waduheñu.
Darangilu lan wanaagun woungua hama amu.
Gunda wamá lau le wámati.
Gunfuranda wamani lébuna wasufurirun luma wóunwegun.
Warihini wemenigin lubá ámuñegü lau ichouruni.
Wasubudiruni Le adügübaliwa buidu luma lun wayarafadun lun.
Harihubei giñe ru lani Le adügübaliwa lichú aau houn sun ha áluahabalin.
a Sánsiwaali iri.