TÍTULU LE LUÁGUBEI TIDÁÜ
Inarüni san anihein lan Mafia?
Guáriua le arufudubalin Mafia kei aban ánheli ábürühati siélugiñe, Madrid Ésüpaña
Ariñagati Rogelio, le agüriarúbei Salu: “Dan le meha ñǘraügidina aba burí meha tariñagun núguchu nun dan le maganbadi nan tun: ‘Aguñeeli Mafia anügabu’. Aba meha nariñagun tun: ‘Ñübüinlá! Luagu Bungiu nafiñera, mama luagu Mafia’”.
Úarati san hisaminan luma nibureinti le? Ka lídangiñe saminaü burí le asigirubei inarünibei según hisaminan?
Úati Mafia; aban sínbolu lánina wuribati Máfiabei.
Anihein Mafia, gama lumoun meberesegunti hau gürigia.
Aban sífiri gabafuti Mafia ani wéiriti lubafu hawagu saragu gürigia.
Ámuñegueinarügüti hasaminan gürigia. Ka funa san inarünibei? Súdiniti funa san wasubudiruni? Anhein ua lubéi Mafia, sun ha afiñerubaña luagu anihein lan charatiña. Anhein anihein lubéi ani meberesegunti hau gürigia, sun ha hanufudebaña luéi charatiña. Anhein ye lubéi Satanási ani gabafuti hawagu gürigia, wéiriti peliguru lan sügǘ lau ligaburi warihini.
Ariha waméi ida liña lan tóunabuni Lererun Bungiu álügüdahani burí le: Katei san Satanásibei, aban sínbolu lani wuribani o aban sífiri? Anhein aban lubéi sífiri, aban san peliguru woun? Anhein ítara liña lubéi, ida luba hóunigiragun hungua luéi?