18. ¿Tajulheitaĵ ĉa ĵatanipĵôĉlôna pa Dios chi’ ĉa ĵanai?

1 ĈASSUYESHI ĈA SHTANAISHA’NE

“Caaj nôque yinôôt; ¿tan t’e ca isa’jop ca chinasnajayanshi?” (Hechos 8:36).

¿Ta t’e lhayaash ti tajulhei ĉa shtanaisha’ne? ¿Ta lhjunash ti chiyisnatesh côque?

Ĉa shtanaisha’ne shtanôĉlit ti apis ti shtavô’mesh na ĉasfanishĉatsivach ĉlech’e chi’ ti shtatô’lhesham ĉa shtasnatesh pa yen pa Dios.

• Mateo 28:19, 20

  Tajulhei ĉa shtanaisha’ne ĵaspa sht’acumem’in pa Jeova.

• Salmo 40:8

  Ĉa shtanaisha’ne shtanôĉlitem pap’elh ti shten ĉa sht’acumem’in pa Dios.

• Mateo 3:16

  Ĉa ninai papu tajulhei ĉa chinĉ’ôt’atshi pa yinôôt pa lhavu’vat lhjunashjulh pa lhnaiĵayash pa Jesús.

2 PA JEOVA T’ALHESHJOO PAVA NASHEESH TI ISJOP ĈA SHTASNATESH

“Ca chinentaj pa Dios pa chita’nôclitesh ti chinc’ashamesh nava lhayôjijates; pa tanca natvi’jatai nava lhayôjijates” (1 Juan 5:3).

¿Ta t’e lhayaash ti nintajulhei ĉa shtanjovaishi ĉa shtanipĵôĉlôna pa Jeova?

• Salmo 103:14; Isaías 41:10

  Niĉassuyeeshi ĉa shtanvo’yeshch’e jô ĵaspa shtanipĵôĉlôna pa Jeova. Pa lhech shinefenesh ĵayu ĉa shtasnatesh pa yivo’yeshch’e.

• Colosenses 1:10

  Na ĉatsencheyasha pa Jeova shinefenesh ĵayu ĉa sht’ash’apee na ĉasjovayi ĉa nisht’ôfisĵatch’e pa yenjoom pa lhech.

3 TAJULHEI ĈA SHTASNATESH PAVA MATAS TI ĴÔJEĈLAI NISHTANAISHA’NE

“Yivaatsha ts’ishamesh ti jasnatesh pava lhen, yi’Dios; ¡janshi’ na yicachi’ na avanqu’eijatsjanjayash!” (Salmo 40:8).

¿She pa tajulhei ĉa shtasnatesh ti ĵôjeĉlai nishtanaisha’ne?

• Juan 17:3

  CHIVANTÔYITESH NAVA DIOS LHASINÔĈ

  Tajulhei ĉa shtantôfaĉlesh pa Jeova chi’ pa Jesucristo. Ĉa shtavantôyitesh jum ya’shesh ĉa shtenelh papi lhech.

• Hebreos 11:6

  ĈAAĴ PA NIVATĈACUĴAYASHA

  Tajulhei ĉa shtaĉafiyanesh jô pava vanĉape’ĵayinesh pa Dios. Tajulhei ĉa shtaĉafiyanesh shta pa lhcufaiĵatesh pa Jesús ĉa shinalhĵenesh pa vatsasch’e chi’ pa vatvafi’.

• Hechos 3:19

  CHITANÔICHAT

  Tajulhei ĉa shtataĉshinvatsham’in jô tô’lha lhaĉom’a pava niysisa ti shtasnatesh ĉlech’e.

  CHITATVAICH’AĈLAĴ

  Tajulhei ĉa shtavô’mesh pa niysa’ vooi ti tajulhei ĉa shtasnatesh pa is.

• 1 Pedro 4:2

  SHTANIPĴÔĈLÔNSHA NA ĈASMÔNLHAĴAYASH PA DIOS

  Shtanipĵôĉlôna pa Jeova ĉa shtasnatesh pa vat’alhĵayash isch’e. Tôlh’ejop côque shtat’eshem jô pa Dios ĉa sht’ashĵatem ĉa shtôĉlôĵei chi’ ĉa sht’acumem’in nasheesh pa lhech.