19. Ĉaslhetipaa ĉa ĉatsic’utsfaeesh pa Jeova

1 PA JEOVA SHINEN

“Nôque lhjunash ja Dios ti yen lhacôm’a napi yi’ei na cotsjaat, pa yijutei na ve’lha Lhaôs, jaspa tanca nac’oyesh pant’ajôôj papi nincacuesh na’lhech, vo’oi pa lhamônlhajayash ôijôlhôyech pa nicaajem” (Juan 3:16).

¿Ta lhjunash ti nôĉlitjoom pa Dios pa lhencheyash?

• Salmo 91:2

  Pa Jeova shinujumatsinesh jô. Lhavaatsha isjop ĉa shinefenesh ĉa shtaniyitjulh nava tavi’ĵataijoom.

• Salmo 37:29

  Pa Dios shinpe’ĵayinesh pa is jum t’ajuya pava amc’oya nalhus.

• 1 Timoteo 6:12, 19

  Pa Dios nijutjooi ĵayu pa vatmônlhaĵayash ôiĵôlhôyech yi’ei na cotsĵaat ĉa paraísoeesh. Shtavatĉ’usinatesh’in ĵayu pa ĉaspiiyash pa ampa ĉa shtajumteei shta.

2 PA JEOVA YEETAĴESH ĈA SHTEN PA LHECH

“‘Istaa ca en ja Lhcaanvacle a’Dios pa atanipjôclônsha lhpa acachi’, pa asôcôclit shi’ pa acajôishaʼ” (Mateo 22:37).

Ĉa shtentaĵ pa Dios ¿she pa shtasnatesh ĵayu?

• Lucas 17:12-17

  Ĉa shtanshamesha jum lhaĉom’a pava yisnateshjoom pa Dios.

• Mateo 7:16-20

  Ĉa shtanôĉlitem pa Dios na ĉatsencheyasha ĉa shtasnatesh’in pava nishamesh.

• 1 Juan 5:3

  Ĉa shtanĉ’ashamesh nava lhayôjiĵates pa Dios.

• 1 Timoteo 6:18

  Shtaniyitesh ĉa shtasnatshem pap’elh pa is.

3 TAJULHEI ĈA SHT’UNITĴATESH NA ĈATSENCHEYASHA PA JEOVA

“Anujumatseneshelh pa lhencheyash pa Dios” (Judas 21).

¿She pa shinefenesh ĵayu ĉa ĉaslhetipaa ĉa ĉatsic’utsfaeesh pa Jeova?

• 1 Tesalonicenses 5:17

  Ĉa sht’aalha pa Dios yaĵatesh.

• Mateo 28:19, 20; 2 Timoteo 4:2

  Shtaniyitesh jum ĉa shtasinôishem pap’elh pa Dios Lhanvaĉleyash.

• Proverbios 2:1-5

  Ĉaslhetipaaesh ĉa shtavantôyitesh pa Jeova.

• Hebreos 10:24, 25

  Ĉa shnôquei lhaĉom’a nava lhc’ayashva’ne napi nifaqu’in pa Jeova. Napi lhech yen ĉa shinefenesh ĉa ĉatsic’utsfaeesh jô pa Jeova.