¿She t’e pa yijô’ ti lhcaanvaĉleesh nôque nalhuyish?

PA YIT’ESH PA BIBLIA

“Lhacôm’a na cotsjaat ti yie’ pa t’unaj pa tsich’e’.” (1 Juan 5:19, PA DIOS TASINÔYJOOM NÔQUEESH).

“Ti namjicham ja Dios Lhaôs pa jaspa yivômjatshi pa lhfanishlhavach pa tsich’e’.” (1 Juan 3:8).

SHINISIYAN CA SHTANTÔ’YA CÔQUE

Shintôijatc’oya jayu ta lhayaash ti caajjoom pava tavi’jatai yi’e na cotsjaat (Apocalipsis 12:12).

Shtacafiyanesh jayu ca isa’ jum na cotsjaat (1 Juan 2:17).

¿ISJOP CA SHT’UESHCH’E PAVA YIT’ESH PA BIBLIA?

Jech, shtavan nava pu’jana tô’lheishijop nôqueesh:

• Apis ti chinfac ti chiyvômjatshi jayu pa Satanás lhanvaĉleyash. Pa Jeova tifch’een jayu pa Satanás ti caajem pa t’unajeshjop papi nivaĉle. Pa Dios vancape’jayinesh shta “ti yivômjatshi [...] pa tsich’e’” chi’ ti yisĉlansha’ne jayu lhacôm’a pava niysisa yisnatesh pa Satanás (Hebreos 2:14).

• Pa Jeova yenesh pa Jesucristo ca lhcaanvaĉleesh. Pa Jesús nilhjunashach’ejulh pa Satanás. Nôque Tsich’e’ uj ti sui, yovalh’apee na nalhuyish navôque nalhus. Lhe’naa pa Dios ti vancape’jayinesh pa Jesús ti lhcaanvaĉleesh: “Tcavts’acleyesh jayu papi vatants’aclan, shi’ papi ts’aclaaysha’ne [...]. Yilhjenesh jayu pa lhnafjuncheyash shi’ pa lhancômclôniyash” (Salmo 72:13, 14).

• Ninôôlhjôn’in pa Dios. Pa Biblia yinôôĉlhanitch’e “ti sasemjop pa Dios ca cuts’aja” (Hebreos 6:18). Lhech lhjunash, pa Jeova ti nifac pana ti yôfisjatch’e jayu (Isaías 55:10, 11). Pa lhech vancape’jayinesh “ti chiysasfach’ee jayu shta nôqueesh na tsich’e’ nan lhcaanvacletajesh nôque cotsjaat” (Juan 12:31).