¿Vô’mesh jayu t’e pava tavi’jataijoom?

PA YIT’ESH PA BIBLIA

“Ja Dios yicle’shemch’e jayu lhacôm’a java lht’ec ts’ivee. Pa tan jayu ca nivafsha’ne, pa tan shta ca napvatsham’in, pa tanca nitafshiych’e, pa tanca nanchavaaylhatay.” (Apocalipsis 21:3, 4, PA DIOS TASINÔYJOOM NÔQUEESH).

SHINISIYAN CA SHTANTÔ’YA CÔQUE

Shtantô’ya jum jayu pa Dios ti tan ca navĉlanjatjoom pava tavi’jatai (Santiago 1:13).

Shinshanat jayu ca shtavantôyitesh pa Dios lhayaash ti yitôyc’oya nava aôvtejjoom (Zacarías 2:8-9).

Shtantô’ya jum ti ampa jayu pava tavi’jataijoom (Salmo 37:9-11).

¿ISJOP CA SHT’UESHCH’E PAVA YIT’ESH PA BIBLIA?

Jech, shtavan nava napu’ tô’lheishijop nôqueesh:

• Pa Dios yicônitshi pava tavi’jataijoom chi’ pava nintajulhei. ¿Ta lhjunash ti nicha’vayei pa Jeova ti chiyisnatshem lhapesh pa niysa’ papi lhcavos? Pa Biblia yit’esh ti aôvtejem pa Dios “ti tancômclôyesha’ne ti chiyclôyitsha’ne” papi lhech (Jueces 2:18).

  Pa Dios ninanshamesh papi nivacle ti yisnatshem pa niysa’ pap’elh. Yiey pa lhjunash, pa Biblia yit’esh pa Dios yapun “pava vatpôcôtôy yiclôn papu ampa ca natmenesh” (Proverbios 6:16, 17).

• Pa Dios yaichavalhjo’oi casve’lha ts’ivee. Tam’ei ti lhaichavalhei ca ave’lhaa ca natô’ya nava aôvtej’am, taj pa Jeova apis ti yitô’ya shta côque (2 Crónicas 6:29, 30).

  Pa Dios tifch’een tatsha jayu lhacôm’a pava tavi’jatayem papi nivaĉle, tôlh’ejop pa Lhanvaĉleyash (Mateo 6:9, 10). Jôjiĉlai ninasnatesh côque, pa Dios yishanat jum lhacôm’a papi yijôqu’e ti vo’oisha’ne pa lhech (Hechos 17:27; 2 Corintios 1:3, 4).