¿She t’e pava isis ti chinfaĉ?

1. ¿She pava isis ti nifaĉ pa Dios?

Pa Dios yen napi nivaĉle ĉa nivatĉ’usinatesh’in na lhamônlhaĵayash yi’ei na cotsĵaat. Lhavaatsha yivĉlanĵat lhaĉom’a nava yi’e na cotsĵaat lhayaash ti yen napi lhech. Tatsha ĵayu pa Dios yivômĵatshi nava tavi’ĵatayem lhaĉom’a napi nivaĉle ĵaspa isa’jop ĉa nivatĉ’usinatesh’in jô na lhamônlhaĵayash. Etônch’e na Jeremías 29:11.

Na lhanvaĉleyash papi nivaĉle sasjop ĉa nitifch’e pa vatcômĉlayash, pava vataiyashaĉ ĉa’taĵesha pa vatvafi’. Taĵ ti ĉaaĵ nava isis ti chinfaĉ. Pa Dios Lhanvaĉleyash tif’e ĵayu tatsha na lhanvaĉleyash papi nivaĉle pa yaĵatesh ĵayu ĉa niĉaaĵ. Papi lhchifas vatĉ’usinatesh’in ĵayu jum pa vatpiiyash chi’ ampa ĉa aôvteĵa. Etônch’e na Isaías 25:8, na 33:24 chi’ na Daniel 2:44.

2. ¿Ta t’e lhayaash ti uĵ ti yaashchisham pava isis ti chinfaĉ?

Pa Dios tajulhei ĉa nivômĵatshi papi niysisasha’ne ĵaspa nivô’mesh t’ôyisheey pava tavi’ĵatai (Sofonías 2:3). ¿Ta t’elhesh ti yisnatesh ĵayu côque? Lhapesh na Biblia yit’esh nava tavi’ĵatayem napi nivaĉle navôque nalhus. Nava ti chiyivanch’e nôĉlit pa Dios yisĉlansha’ne tatsha ĵayu pa niysa’. Etônch’e na 2 Timoteo 3:1-5.

3. ¿She pa tajulhei ĉa shtasnatesh?

Tajulhei ĉa shtavantôyitesh pa Dios tô’lha nava Lhasinôĉ. Côque lhjunashjulh pava isis ti nifaĉ pa vatata nitsopaesh pa lhaôs. Na Biblia nôĉlitjoom pa lhjunash ti isjop ĉa shtavatĉ’usinat’in nôqueesh chi’ pa lhjunash ti ĉasmônlhasha’ne ĵayu yinjôt yi’ei na cotsĵaat. Yijô’, nilhaĉom’aa ĉa nanshamesh ĉa neiĵatsĵanesh’a papu na Biblia. Taĵ ti yaaĵ ĉa aĉaĉlôĉleesh pa is. Yaaĵ ĉa naĉ’oyesh pava yipe’ĵayinesh pa Dios ti yaash ti tajulhei. Etônch’e na Proverbios 29:25 chi’ na Apocalipsis 14:6, 7.