¿She t’e pa Dios?

1. ¿Ta t’e lhayaash ti tajulhei ĉa shtôĉlôĵei pa Dios?

Pa Dios yivĉlanĵat lhaĉom’a. Yaĵatesh ti mônlha pa tan ĉa ve’lheesh ĉa nivôôm (Salmo 90:2). Lhavaatsha tô’lha nava isis ti chinfaĉ yishi’ na Biblia (1 Timoteo 1:11). Nasheesh ti tajulhei ĉa shtôĉlôĵei pa Dios lhayaash ti shinavĉlanĵat. Etônch’e na Apocalipsis 4:11.

2. ¿Ta lhjunash pa Dios?

Ampapu ĉa ni’van pa Dios lhayaash ti mônlhee yi’ei pa vôôs. Papi yi’ei pa vôôs ya’sheshc’oya ti t’unvatsham’in pa yitô’yish ts’ivee shta a’lheesh napi yi’e na cotsĵaat (Juan 1:18; 4:24). Taĵ ti isjop ĉa shtantô’ya pa lhjunash pa Dios ĉa shta’vanch’e nava yivĉlanĵat. Yi’ei pa lhjunash, nava aĉloĵ aaĉjicui lhai chi’ nava lhôvôs nôĉlitjoom pa lhĉajôisha chi’ pa lhencheyashjoo. Nan tuc’ae pa vôôs chi’ na cotsĵaat ti nôĉlitjoom shta pa uĵ t’unaĵ. Etônch’e na Romanos 1:20.

Neelhcha ti isjop ĉa shtetônch’e na Biblia ĵaspa shtantôfaĉlesh pa Dios. Yit’eshjoom pa lhfanishesh pa Dios chi’ pava yen ĉa’taĵesha ôme. Etônch’e na Salmo 103:7-10.

3. ¿Ĉaaĵ t’e pa lhei pa Dios?

Pa Jesús yit’esh: “Tata tsitsôt’ajelh’ash ti lhôvji’ pa vôôs, chiisiyan ca ei” (Mateo 6:9). Nasheesh ve’lha na lhei pa Dios lha’mataĵ ti chiyeyiyanesh pava nalheyiseshvatc’oya. Nilhjunashajulh ti chiyetônesh na lhei pava vena t’ônashch’e vooi ca nivaĉle lhĉliish ti chiyit’esh Jeova. Na Biblia yit’esh: “Ĉa nitô’ya papu ti avaatsha ei Jeova, ti ave’lha ti t’aashchisham ti t’ash’apee lhaĉom’a na cotsĵaat” (Salmo 83:18, TNM).

Aĉloĵ nava Biblias ti chiyaiĵatshi na lhei pa Dios ti chincôyôĵatei pa Lhĉaanvaĉle ĉa’taĵesha pa Dios. Taĵ ti chiyisesh’e na Biblia lhapesh chiyivanshi na lhei pa Dios t’esheitaĵ ĉa 7.000eesh. Pa Jesús nifaĉ nôque lhei ti yeiĵatsĵanesh papi nivaĉle pa Dios. Etônch’e na Juan 12:28.

Aĉlôvalhesh na video Pa Dios ¿ĉaaĵem tꞌe pa lhei?

4. ¿Naichavalhjoo t’e pa Jeova?

Ĉa shinenelh jô pa Dios ¿ta t’e lhayaash ti yivashan nava aĉloĵ tavi’ĵataijoom? Na yi’e papu ti yilheĉlôĵesh pa Dios shinĉlôyitelh taĵ ti niyijô’a côque. Etônch’e na Santiago 1:13.

Pa Jeova shinenelh jum lhe’naa ti shinvashan ĉa isa’jop ĉa shteneishiĉatsitam pa ĉasfanishesh. Yijô’ ti shtanshamesh ti isjop ĉa sht’acumem’in pa Dios (Josué 24:15). Taĵ ti aĉloĵ papi nivaĉle yisnatesh pa niysa’ lhe’naa ti ĉaaĵ pava tavi’ĵataijoom. Cavôque aôvteĵem jum pa Jeova. Etônch’e na Génesis 6:5, 6.

Pa Jeova naichavalhjoo chi’ ti yen ĉa shtavatĉ’usinatesh’in na ĉasmônlhaĵayash. Lhavaatsha tifch’een tatsha ĵayu lhaĉom’a pava tavi’ĵatai chi’ papi ti yivĉlanĵat cavôque. Yitô’ya pa lhayaash ti yivashan pava tavi’ĵatai. Côque chinôyôĵqu’e ĵayu yishi’ na vatneiĵatsĵanĵayash 8. Etônch’e na Salmo 37:17, 29 chi’ na Proverbios 2:21, 22.

5. ¿Ta lhjunash ti isjop ĉa shtac’uyelha pa Dios?

Pa Jeova tônjooi ĉa shtac’uyelha pa lhech tôlh’ejop pa vat’alhĵayash. Lhavaatsha naichavalhjoo ĉasve’lha ts’ivee (Salmo 65:2; 145:18). Yen ĉa nivômĵatch’ejoom shta. Ve’lheesh’in ti sasjop ĉa shtanômôt’e pava yenjoom vooi pa Dios yi’vanesh ĉa shtaniyitesh ĉa sht’ôfisĵatch’e. Pa lhechesh isjop ĉa ĉatsic’utsfaeesh pa Jeova lha’mataĵ ti sasch’e ĉasvoselh. Etônch’e na Salmo 103:12-14 chi’ na Santiago 4:8.

Lhayaash pa Jeova ti nijutjooi na ĉasmônlhaĵayash pa ya’sheshc’oya ti tajulhei ĉa shtenelh pa lhech a’lheesh pap’elh (Marcos 12:30). Avaatsha isjop ĉa anôĉlitem na encheyash ĉa avantôyitesh pa lhech chi’ ĉa anĉ’ashamesh nava lhayôjiĵates. Lhech lhjunash pa ya’shesh ti lhatc’uya ĵayu pa Dios. Etônch’e na 1 Timoteo 2:4 chi’ na 1 Juan 5:3.