¿Yijô’ t’e ti tô’lha pa Dios pava isis ti chinfaĉ?

1. ¿She papi yitsôt’aĵesh na Biblia?

Nava isis ti chinfaĉ ti isjop ĉa ĉasmônlhaasha’ne yinjôt yi’e na cotsĵaat ti chiyivanshi na Biblia (Salmo 37:29). Pa Dios yicheneshjop chiyilheĉlôĵesh ĉa 40’a papi niĉacuĵanĵasa ĵaspa nisesh’e nava 66 lhqu’isĵayanĵas lhĉles na Biblia. Pava vatjutsa’ cinco lhqu’isĵayanĵas lhĉles ti yisesh’e pa Moisés ĉlech’e pan t’elhesh ti 3.500 pava yinĉôpesch’e. Pa vatĉachenach Juan ti yisesh’e pa yôjesh’esha’ne ti 1.900 pava yinĉôpesch’e lhapesh. ¿She papi yitsôt’aĵesh na Biblia? Pa Dios yitôiĵata papi yisesh’e nava Lhasinôĉ tôlh’ejop pa lhespíritu santo (2 Samuel 23:2). Papuque ninisesh’e pava lhaichavalhĵanôĉ vooi jô ti yisesh’e pava lhaichavalhĵanôĉ pa Dios. Pa lhechesh ti yitsôt’aĵesh pa Jeova na Biblia. Etônch’e na 2 Timoteo 3:16 chi’ na 2 Pedro 1:20, 21.

Aĉlôvalhesh na video ¿She papi yitsôt’aĵesh na Biblia?

2. ¿Isjop t’e ĉa shtaĉafiyan na Biblia ti yit’esh pa yijô’?

Shtantô’ya na Biblia ti tô’lha pa Dios lhayaash ti yijô’ ti nifaĉ pava vaĉlan ĵayu vooi papi nivaĉle sasemjop (Josué 23:14). Nasheesh pa Dios, Yaash pa T’unaĵ, ti isjop ĉa nasnatesh côque. Etônch’e na Isaías 42:9 chi’ na 46:10.

Lhayaash ti tô’lha pa Dios na Biblia lhech pa yaash ti is. Pa lhechesh ti chiyjutch’e pava aĉloĵ vena t’ônashch’e nan tuc’ae na cotsĵaat. Lha’mataĵ ti chiyisesh’e lhapesh taĵ ti yivooijulh pa t’ônashesh papi yitôôivatsham’in. Papi 40 ti yisesh’e na Biblia nava lhech t’ônasheshch’evatjulh. Na lhech ti chiyinôôĉlhanitch’e jô pa lhencheyash pa Dios pa ĉaaĵem shta pa t’unaĵ ĉa nefenesh ĉa nitatvaich’aĉlaĵ papu. Tôlh’ejop cavôque ĉaaĵ aĉloĵ papi ti yuesha na Biblia lhech nava Dios Lhasinôĉ. Etônch’e na 1 Tesalonicenses 2:13.

Aĉlôvalhesh na video ¿Isjop ĉa shtaĉafiyan na Biblia ti yit’esh pa yijô’?

3. ¿Ta t’ônashesh na Biblia?

Nava yishi’ na Biblia chiyachaĵeshch’een nava isis ti chinfaĉ. Pa Dios yôyinch’e cavôque t’ajuya napi nivaĉle. Nava Vani’sesh’e ti chaich’e pa lhjunash papi vatjutsa’ nivaĉle lhapesh ti yaĉ’oyesh pa lhamônlhaĵayash yi’e na cotsĵaat ti paraísoesh. Pa nôyôĵqu’e shta pa lhjunash ti vôpeĉleic’oya ĵayu pa paraíso. Etônch’e na Apocalipsis 21:4, 5.

Yishi’ na Biblia ĉaaĵ nava vatyôjiĵates, nava vanĉatôiĵatc’oya chi’ nava isis vatĉajôishaĉ. Pa lhfanishesh pa Jeova papi nivaĉle nôĉlitjoom pa lhjunash. Pa lhechesh pa t’ônashesh na Biblia ti isjop ĉa nefen’ash ĉa antôfaĉlesh jum pa Dios. Pa nôyôĵqu’e shta pa lhjunash ĉa ac’utsfaeesh pa lhech. Etônch’e na Salmo 19:7, 11, na Santiago 2:23 chi’ na 4:8.

4. ¿Ta lhjunash ĉa isa’jop ĉa natôic’oya na Biblia?

Nôque vatqu’isĵayanach lhaôs yefen’ash ĵayu ĉa natôic’oya na Biblia lhjunashjulh ti vanqu’eiĵatsĵan pa Jesús. Lhavaatsha yetôneishi ti yinôôĉlhanitch’e jô shta nava chiyiseshch’e. Etônch’e na Lucas 24:27, 45.

Ampava ĉa elhchaa nava isis ti nifaĉ pa Dios. Ĉaaĵ papu ti cha’lheeshem cavôque vooi pap’elh ti ninteesh ĉa nitasinôyesh pa is. Taĵ ti yaaĵ ĉa aĉaĉlôĉleesh. Nasheesh ti isjop ĉa amônlhaa yinjôt ĉa antôfaĉlesh jô pa Dios. Etônch’e na Juan 17:3.