VATNEIĴATSĴANĴAYASH 15
¿Ta t’e lhayaash ti tajulhei ĉa alhetipaaesh ĉa avantôyitesh na Biblia?
1. ¿She pa lhtôôlhsha ĵayu ĉa alhetipaaesh ĉa avantôyitesh na Biblia?
Pava lhtôôlhsha na Biblia ti yashĵat jô pa encheyasha pa Jeova. Nôque vatencheyash suyeshi ĉa nit’unsham yaĵatesh (1 Pedro 2:2). Ĉa alhetipaaesh ĉa ac’uya pa Dios tô’lha pa aneiĵatsĵanĵayashesh na Is Ya’ĉlish amônlha ĵayu yinjôt. Etônch’e na Juan 17:3 chi’ na Judas 21.
Lhetlha môôji ĉa avantôyitesh pa Dios uĵ ĵayu pa niaĉacuĵayasha. Pôque niaĉacuĵayasha yefen’ash ĵayu ĉa anshamitĵat pa Lhĉaanvaĉle (Hebreos 11:1, 6). Na niĉasĉacuĵayasha shinefenesh ĵayu ĉa shtatatvaich’aĉlaĵ. Etônch’e na Hechos 3:19.
2. ¿Ta lhjunash ti isjop ĉa efen pap’elh?
Isjop ĉa anshamesh ĉa ac’uyei jum pa Jeova
Ĉaslhaĉom’a shinĉ’usiyan’in ĉa shtanfaĉ pava isis. Lhe’naa ti avaatsha lhen ĉa asinôquiem shta pap’elh nava isis ti lhavantôyitesh. Ĉa alhetipaaesh ĉa aneiĵatsĵanesh na Biblia pa natô’ya ĵayu ĉa acheneshjop na Biblia ĵaspa asinôquiesh pa Jeova chi’ pava isis ti nifaĉ. Etônch’e na Romanos 10:12-15.
Isjop ĉa anfaĉlemch’e papi natsôt’aĵesh chi’ papi ac’utsfas nava isis yishi’ na Biblia. Tajulhei ĉa isa’ pa afanishesh ĉa asnatesh côque. Nintajulhei ĉa at’eshem tatsha papi lhech ti ninvo’yeshch’e pa lhreligión vooi ĉa asinôquiem nava isis ti vanĉape’ĵayinesh pa Dios. Pa is afanish’avach isjop ĉa nantôfaĉlesh yaaĵ ĉa tsishaa pava aĉlishai. Etônch’e na 2 Timoteo 2:24, 25.
3. ¿Isjop t’e ĉa ac’uyei jô pa Dios?
Ĉa avantôyitesh nava Dios Lhasinôĉ pa yefen’ash ĵayu pa uĵ ĵayu pa niaĉacuĵayasha. Nôque lhjunash isjop ĉa ac’uyei jô pa Jeova. Isjop ĉa ômei pa lhĉleselh’ash ĵayu pa Dios. Etônch’e na 2 Corintios 6:18.
4. ¿Ta lhjunash ti isjop ĉa alhetipaaesh ĉa avantôyitesh pa Jeova?
Yaaĵ ĉa avô’mesh ĉa aneiĵatsĵanesh na Is Ya’ĉlish (Hebreos 5:13, 14). Aalhsha napi nifaqu’in pa Jeova ĉa neiĵatsĵanesh’a na Biblia tô’lha na Chivantôyitesh na vatqu’isĵayanach ¿She pava shineiĵatsĵanesh na Biblia? Ĉa avantôyitesh jum nava Dios Lhasinôĉ pa ya’shesh ĵayu ti ĉ’us’am’in. Etônch’e na Salmo 1:1-3 chi’ na 73:27, 28.
Pa Jeova, pa Dios issha’ne, nifaĉjoom nava isis yishi’ na Biblia. Lhac’uyei ĵayu pa lhech ĉa ac’aelhva’ne napi lhchifas (Hebreos 10:24, 25). Ĉa aniyitesh ĉa anshamitĵat pa Jeova ti ĉaaĵ’am ĵayu pa vatmônlhaĵayash jô, pa vatmônlhaĵayash ôiĵôlhôyech. Yijô’, uĵ ti is ĉa ac’uyei pa Dios. Etônch’e na 1 Timoteo 1:11 chi’ na 6:19.