¿She pa yôyinch’e pa Dios t’ajuya na cotsĵaat?

1. ¿Ta t’e lhayaash ti yivĉlanĵat pa Dios na cotsĵaat?

Pa Jeova nijutjooi na cotsĵaat ĵaspa shnôv’e. Pa Dios yivĉlanĵat pa Adán chi’ lhpa Eva ninatjuya ĉa nôv’e pa vôôs lhayaash ti apis ti yivĉlanĵat papi ángeles ĉa nôv’e (Job 38:4, 7). Pa Jeova yan’e pa vatjutsa’ nivaĉle yi’e pa paraíso isesh’e lhei vatcôvjiyanĵavat Edén (Génesis 2:15-17). Lhavaatsha yen shta pa Adán chi’ papi lhĉles ĉa mônlhaasha’ne yinjôt yi’e na cotsĵaat. Etônch’e na Salmo 37:29 chi’ na 115:16.

Lhapesh nasheesh pa vatcôvjiyanĵavat lhei Edén ti paraísoesh. Pa Adán chi’ lhpa Eva isjoptaĵ ĉa niĉaaĵem papi lhĉles ĵaspa nivatĉlônat’e na cotsĵaat. Ts’am’esh papi lhech ĉa niĉlôvalhtaĵ ĉa nifc’atsanshi shta pa paraíso yi’e lhaĉom’a na cotsĵaat (Génesis 1:28). Tan ĉa ve’lheesh ĉa chinvômĵat na cotsĵaat. Napi nivaĉle yaĵatesh ti mônlhasha’ne ĵayu yi’e na lhech. Etônch’e na Salmo 104:5.

Aĉlôvalhesh na video ¿Ta t’e lhayaash ti yivĉlanĵat pa Dios na cotsĵaat?

2. ¿Ta t’e lhayaash ti niparaísoaesh na cotsĵaat navôque nalhus?

Pa Adán chi’ lhpa Eva ninanĉ’ashamem pa Dios lhe’naa ti chiyaiĵatshi pa vatcôvjiyanĵavat lhei Edén. Lhech lhjunash’e pa Paraíso ti chiyaĉ’oyesh pa ampapu ĉa isa’emjop ĉa nasnatesh ĉa nachaĵeic’oya pa lhech. Na Biblia yit’esh: “Pa yimônlhanitshi na cotsjaat pava lhpôcôtôi papi ojiyis” (Job 9:24). Etônch’e na Génesis 3:23, 24.

Lhech lhjunash ¿vômĵi’ t’e pava yôyinch’e pa Dios? Ôme. Uĵ pa t’unaĵ chi’ ti yôfisĵatch’e yaĵatesh pava nifaĉ (Isaías 45:18). Pa Dios yôfisĵatch’e ĵayu pa yôyinemch’e papi nivaĉle ĉa isa’jop ĉa mônlhaa’esha’ne nan lhjunash lhapesh. Etônch’e na Salmo 37:11, 34.

3. ¿Ta lhjunash ti vôpeĉleic’oya ĵayu pa Paraíso yi’e na cotsĵaat?

Pa Jesús ti lhĉaanvaĉleesh pa Dios Lhanvaĉleyash yijônei ĵayu na cotsĵaat pa paraíso. Pa lhech ve’lhaelhsham papi ángeles yivômĵatshi ĵayu lhaĉom’a papi nilhc’utsfasa pa Dios yishi’ pa vatvatĉlônĵayash lhei Armagedón. Pa lhechesh pa Jesús yôcfa’ ĵayu pa Tsich’e’ pava mil yinĉôpes. Papi lhĉavosesh pa Dios vanilhĵensha’ne ĵayu lhayaash pa Jesús ti vanôyinc’oya ĵayu chi’ ti vanujumatsinesh ĵayu. Nôque lhjunash papi lhech vatĉ’usinatesh’in yinjôt ĵayu pa lhamônlhaĵayash yi’e na cotsĵaat ĉa paraísoeesh. Etônch’e na Apocalipsis 20:1-3 chi’ na 21:3, 4.

4. ¿Ta t’elhesh ĉa nivô’mesh pava tavi’ĵatai?

¿Ta t’elhesh ĉa nivômĵatshi pa Dios pa niysa’? Pa Jesús yinôôĉlhanitch’e pava vaĉlan ĵayu ĉa shalhaac’oya pa yôj’e nôque nalhuyish. Navôque nalhus shta’vanch’e nava suyemjulh napi nivaĉle nan tuc’ae na cotsĵaat. Côque nôĉlitjoom ti shnôôvji’ nava yôj’esha’ne nalhus. Etônch’e na Marcos 13:4, 7-10, 19, 20.

Yicheshch’e pava mil yinĉôpes pa Jesús ĉa lhĉaanvaĉleesh na cotsĵaat tô’lhesh’e pa vôôs ti yivômĵatshi ĵayu lhaĉom’a pava tavi’ĵatai (Isaías 9:6, 7; 11:9). Pa lhĉaanvaĉle Jesús lhech ĵayu shta pa Vatĉasinô Lhanvaĉle ti yivômĵatch’e ĵayu pava lhsasch’e papi yen pa Dios. Pa lhechesh tôlh’ejop pa Jesús pa Dios yivômĵatshi ĵayu pava vataiyashaĉ, pa vatac’utsĵayash chi’ pa vatvafi’. Etônch’e na Isaías 25:8 chi’ na 33:24.

5. ¿She papuque ĉa mônlhaasha’ne yi’ei pa Paraíso?

Papi nivaĉle ĉa nanĉ’ashamemtaĵ pa Dios mônlhasha’ne ĵayu yi’ei pa Paraíso (1 Juan 2:17). Pa Jesús yiyôjiesha papi voqu’eetsham ĉa nivooishi papi isissha’ne ĵaspa neiĵatsĵanesh papi lhech ĉa nanshamesha pa Dios. Navôque nalhus pa Jeova tatômĵalhesh aĉloĵ napi nivaĉle ĵaspa mônlhaa’esha’ne pa Paraíso (Sofonías 2:3). Pa yi’e tc’aelhva’ne napi nifaqu’in pa Jeova ti vantôyitesh ĵayu ĉa isa’ pa lhfanishlhavach napi vatach’aĉfas chi’ napi vatanavot. Lhech’e napi vatanavot ve’lhaelhsham napi lhĉles ti yôĉlôĵei pa Dios chi’ ti vantôyitesh nava isis ti nifaĉ na Biblia ĉa isa’emjop ĉa niisiyan. Etônch’e na Miqueas 4:1-4.