VATNEIĴATSĴANĴAYASH 6
¿Ĉaaĵ ĵayu t’e pava isis t’ajuya capi vafsha’ne?
1. ¿She pava isis ĉaaĵ ĵayu t’ajuya capi vafsha’ne?
Ti yômei pa Jesús pa yitsaat lhei Betania shalhe’ema pa Jerusalén, pa lhc’utsfa Lázaro yichatjulhch’e pava nalhus ti apis ti vaf. Pa Jesús yichei pa nivalhech tanôôichielh lhpa Marta chi’ lhpa María, lhch’injavot pa Lázaro. Tatsha ti tc’aelhva’ne papi aĉloĵ nivaĉle. Ti yinenĵatchisham pa Jesús pa Lázaro ¿yijô’ t’e ti ĉ’usemvatsham’in jum lhpa Marta chi’ lhpa María? Etônch’e na Juan 11:21-24, 38-44.
Lhpa Marta yitô’yeshc’oya jô pa is ti chinfaĉ pa vatneetshamĵayash. Lhavaatsha yitô’ya pa Jeova ti yinenĵatchishamch’e ĵayu capi vafsha’ne ĉa mônlhaa’esha’ne na cotsĵaat. Etônch’e na Isaías 26:19.
2. ¿Ta t’e lhjunashch’e capi vafsha’ne?
Pa Dios yit’esha pa Adán: “Acotsjat’esh yi’ei nôque cotsjaat lhapecsham jayu” (GÉNESIS 3:19).
Napi nivaĉle tô’lha na cotsĵaat (Génesis 2:7; 3:19). Ampa ĉa nôvji’ pa vatsôĉ’ôĉlit na ĉasvuvaat. Ĉa shtavaf vômji’ ĵayu na ĉasmônlhaĵayash vômji’ ĵayu shta na ĉatsashilhôĵ chi’ nava ĉatsaichavalhĵayash. Lhech lhjunash capi vafsha’ne ampa ĉa nancha’vayei ampa shta ĉa aôvteĵeem. Lhe’naa pa Lázaro apis ti netshaam vooi ti ninasinôquiesh pa lhavafi. Etônch’e na Salmo 146:4 chi’ na Eclesiastés 9:5, 6, 10.
¿Yijô’ t’e pa Dios ti yiĉlôyit ĵayu capi vafsha’ne yishi’ pa itôĵ tan ĉa nimaĉ lhei infierno shta? Ôme. Niyijô’a côque lhayaash na Biblia nôĉlit capi vafsha’ne ti nintô’ya pa’na. Lhe’naa pa vatneiĵatsĵanĵayashesh pa itôĵ ninmaĉ yeyimatan pa Dios. Pa lhech yicônitshi jum ĉa chinĉlôyit papu ĉa chinanshi’ pa itôĵ. Etônch’e na Deuteronomio 12:31.
Aĉlôvalhesh na video ¿Ta t’e lhjunashch’e capi vafsha’ne?
3. ¿Isjop t’e ĉa chintasinôyelh capi vafsha’ne?
Capi vafsha’ne sasjop ĉa nitasinôich’e chi’ ĉa natpeeichaisha’ne (Salmo 115:17). Taĵ ti ĉaaĵ papi ángeles niysisasha’ne ti isjop ĉa nitasinôyelh papu chi’ ti vanuiĵatch’e capi vafsha’ne (Judas 6). Lhe’naa pa Jeova ti ninvashan ĉa shtasinôyelh capi vafsha’ne. Etônch’e na Deuteronomio 18:10, 11.
4. ¿She t’e papuque ti vôpeĉleic’oya ĵayu ĉa mônlhaasha’ne?
Capi aĉloĵ vafsha’ne vôpeĉleic’oya ĵayu ĉa mônlhaasha’ne yi’ei na cotsĵaat. Netshamch’e ĵayu shta papi ninantôfaĉlesh pa Jeova pa yisnatesh pa niysa’. Etônch’e na Salmo 37:29 chi’ na Hechos 24:15.
Capi netshamch’e ĵayu isjop ĉa nivantôyitesh pa yijô’esh pa Dios, ĉa nu’eshch’e pa Jesús ĉa nanĉ’ashamem shta (Apocalipsis 20:11-13). Ĉa nasnatesh ĵayu cavôque vatĉ’usinatesh’in ĵayu ĉa mônlhaasha’ne yinjôt yi’ei na cotsĵaat. Etônch’e na Juan 5:28, 29.
5. Pa vatneetshamĵayash tô’lha pa Jeova ¿she pa shineiĵatsĵanesh?
Isjop ĉa shtavatjumtic’oya pa vatneetshamĵayash lhayaash pa Dios nichen pa Lhaôs ĉa nivafjoom. Côque nôĉlitjoom pa lhencheyashjoo pa Jeova chi’ pa uĵ lh’isiyash. Pa neetshamch’e ĵayu capi vafsha’ne ¿she papuque ti lhen ĉa a’van? Etônch’e na Juan 3:16 chi’ na Romanos 6:23.