¿She t’e pa Dios Lhanvaĉleyash?

1. ¿She t’e pa Dios Lhanvaĉleyash?

Pa Lhanvaĉleyash pa Dios yinvaĉleyan tôlh’e pa vôôs pa tif’e ĵayu na lhanvaĉleyash papi nivaĉle. Nôque lhjunash ti chiyisnatesh ĵayu pava yen pa Dios yi’e pa vôôs pa yi’e na cotsĵaat shta. Cavôque isis ti nifaĉ pa Dios suishemshi napi nivaĉle. Tatsha pa Lhanvaĉleyash pa Dios nômôt’e ĵayu lhaĉom’a napi nivaĉle ti ve’lhaelhsham yi’e na cotsĵaat. Etônch’e na Daniel 2:44, na Mateo 6:9, 10 chi’ na 24:14.

Pa vatvaĉleyash suyeshi pa lhĉaanvaĉle. Lhe’naa ti yenesh pa Dios pa Lhaôs Jesucristo ĉa lhĉaanvaĉleesh. Etônch’e na Apocalipsis 11:15.

Aĉlôvalhesh na video ¿She t’e pa Dios Lhanvaĉleyash?

2. ¿Ta lhayaash pa Jesús ti lhech pa Lhĉaanvaĉle yivo’yeshch’e jum?

Pa Dios Lhaôs lhech pa Lhĉaanvaĉle yivo’yeshch’e jum lhayaash ti nitsopaesh chi’ ti yisnatesh pa is yaĵatesh (Mateo 11:28-30). Ĉa lhĉaanvaĉleesh pa Jesús na cotsĵaat tô’lhesh’e pa vôôs ti yefen ĵayu napi nivaĉle tô’lha pa t’unaĵ. Nijooilhach’e ti netshaam pa Jesús ti vôpeĉleichisham pa vôôs pa yi’esha’ne pa lhfayishei pa Dios (Hebreos 10:12, 13). Pa lhechesh pa Dios yijutem pa t’unaĵ ĉa lhĉaanvaĉleesh. Etônch’e na Daniel 7:13, 14.

3. ¿She papuque lhĉaanvaĉleesh ve’lhaelhsham pa Jesús?

Ĉaaĵ na yi’e papu yishi’ napi niqu’ishamem pa Dios lhei papi “lhchifas pa Dios” lhĉaanvaĉleseshelh ĵayu pa Jesús yi’ei pa vôôs (Daniel 7:27). Papi vatjutsa’ lhchifas pa Dios ti yeneishi lhech papi lhĉachenĵas niĉacuĵanĵasa pa Jesús. Pa Jeova lhetipa ti yeneishi papi yitsjôi chi’ papi ôĉĵeĉlôi niĉacuĵanĵasa yômjei navôque nalhus ĉa nôvji’ papi lhchifas pa Dios. Papi lhech netshamch’e yi’ei pa vôôs pa ĉaaĵem ĵayu pava vatvuuvtes nint’asĵaniy lhjunashjulh pa Jesús. Etônch’e na Juan 14:1-3 chi’ na 1 Corintios 15:42-44.

¿Ta t’ajôôj papi ti yichei ĵayu pa vôôs? Pa Jesús yit’esha papi lhech “ampuelh avaatsheelh” (Lucas 12:32). Yôjesh’esha’ne lhaĉom’a pa t’ajôôj papi lhech 144.000 nivaĉle chi’ pa Jesús ti lhĉaanvaĉleesh ĵayu na cotsĵaat. Etônch’e na Apocalipsis 14:1.

4. ¿She pa vaĉlan ti nich’a ti lhĉaanvaĉleesh pa Jesús?

Pa Dios Lhanvaĉleyash tô’lhesham ti yinvaĉleyan ti 1914. Vatjutsa’esh pa Jesús ti lhĉaanvaĉleesh ti yisaasfach’ee pa Satanás chi’ papi ángeles niysisasha’ne yi’ei na cotsĵaat. Pa Satanás lhanquei shta Tsich’e’ ti vanut jum pa yiĉlôyitesh papi yi’e na cotsĵaat (Apocalipsis 12:7-10, 12). Lhech tôlh’e pava tavi’ĵatayem papi nivaĉle lhetlha yicheshi ti niysa’ jum. Pava vatvatĉlônĵayash, pa yipcu’, pava vataiyashaĉ chi’ ti nayuuinayuich’e na cotsĵaat ti yôfisch’e pa chichaijulh. Lhaĉom’a cavôque nôĉlit pa Dios Lhanvaĉleyash tatsha ĵayu ti yisĉlansha’ne nava tavi’ĵatai yi’e na cotsĵaat. Etônch’e na Lucas 21:7, 10, 11, 31.

5. ¿She pa nômôt’e pa Dios Lhanvaĉleyash?

Navôque nalhus pa Dios Lhanvaĉleyash naiĵatva’ne napi aĉloĵ nivaĉle tôlh’ejop pa chivanqu’eeiĵat yi’e nan tuc’ae na cotsĵaat. Napi aĉloĵ nivaĉle isissha’ne vôpeĉshichamc’oya pa Jesús. Ĉa nivômĵatshi nôque nalhuyish niysa’ pa Dios Lhanvaĉleyash ti vanujumatsinesh ĵayu lhaĉom’a napi isissha’ne. Ĉa nentaĵ ĉa nitô’lhesha pa is pa Dios Lhanvaĉleyash napi lhech tajulhei ĉa nivantôyitesh ĉa nanĉ’ashamem pa Jesús. Etônch’e na Apocalipsis 7:9, 14, 16, 17.

Pa yôyinemch’e pa Dios napi nivaĉle lhapesh pa Dios Lhanvaĉleyash ti yiĉaatĵat ĵayu yicheshch’e pava 1.000 yinĉôpes. Na cotsĵaat ti paraísoesh ĵayu. Yôj’esha’ne pa Jesús nachaĵei ĵayu pa Lhtata pa Lhanvaĉleyash (1 Corintios 15:24-26). ¿T’asvuntaĵ ĉa anôyôĵemch’e navôque papu? Etônch’e na Salmo 37:10, 11, 29.