¿Ta lhjunash ĉa nanshamesh papi t’ajôôjamsha’ne?

1. ¿Ta t’e lhayaash ti uĵ ti tajulhei ĉa lhtach’aĉfasa jô?

Ĉ’usem’in pa Jeova ti tô’lha nava isis pa yen ĉa ĉ’useemvatsham’in papi t’ajôôjamsha’ne (1 Timoteo 1:11). Pa Jeova yivĉlanĵat pa vataĵa’yayash. Chisuyeshi pa vataĵa’yayash jô ĵaspa nitô’lhesha pa is papi vatach’aĉfas chi’ papi lhĉles. Papi cristianos yijô’qu’e tajulhei ĉa nanĉ’ashamesh pava vatyôjiĵates ĉa chinisesh’e ĉa lhtach’aĉfasa. Etônch’e na Lucas 2:1, 4, 5.

Pa Jeova yômĵatva’ne yinjôt pa yitsuuj chi’ lhpa ôĉĵeĉlô ti lhĵa’yaesh. Lhavaatsha yen nasheesh papi lhtach’aĉfas ĉa nômva’ne (Hebreos 13:4). Pa Jeova ninen pa vatvômĉavômĵayash (Malaquías 2:16). Pa Jeova yivashanem pa ĉa’taĵesha lhpa vatach’aĉfa issha’ne ĉa nivôôm papu ĉa natcuteelhva’neen pap’elh. Taĵ ti nijooilhach’e isjop ĉa nitaĵa’yaesh shta paelh. Etônch’e na Mateo 19:3-6, 9.

2. ¿Ta lhjunash ti tajulhei ĉa lhfanishalhavach papi lhtach’aĉfas?

Pa Jeova yivĉlanĵat pa yitsuuj chi’ lhpa ôĉĵeĉlô ĉa ĵaspa nitanefensha’ne ti nich’a lhtaĵa’yashesh (Génesis 2:18). Pa vatach’aĉfa lhshatech’esh lhpa lhch’aĉfa ti tajulhei ĉa ninôyinc’oya papi yitsôt’aĵesh ĉa niniyitesh shta ĉa nijutem pava suishemshi chi’ ĉa neiĵatsĵanesh pa Dios. Pa vatach’aĉfa yen ĉa nivatjuteem lhpa lhch’aĉfa. Papi lhtach’aĉfas tajulhei ĉa ninensha’neen chi’ ĉa nivi’ĵatanva’ne. Lhayaash ti ninvo’yeshch’e papi lhech tajulhei ĉa nivômĵatemch’e pap’elh ĵaspa isa’jop ĉa ĉ’useemvatsham’in. Etônch’e na Efesios 4:31, 32, na 5:22-25, 33 (TNM) chi’ na 1 Pedro 3:7.

3. ¿Isjoptaĵ ĉa lhetnôj’e pa niysa’ vataĵa’yayash?

Ĉa niĉaaĵtaĵ papi lhtach’aĉfas pava saseshvatjulh papi napu’ tajulhei ĉa niniyitesh ĉa isa’ pa lhfanishlhavach (1 Corintios 13:4, 5). Nava Dios Lhasinôĉ yit’esh ti sasjop ĉa nitaivatcop ĵaspa nasĉlansha’ne pava saseshvatjulh ti isjop ĉa niĉaaĵem papi lhtach’aĉfas. Etônch’e na 1 Corintios 7:10-13.

4. ¿She pa yen pa Dios t’ajuya papi vataĉles?

Pa Jeova yen ĉa ĉ’useemvatsham’in papi vataĉles. Lhe’naa ti yeiĵatsĵanesh pa lhjunash ĉa ĉ’useemei papi nich’aĉsha’ne chi’ papi lhutsĵayech. Yen shta ĉa nivantôyitesh pa lhĉajôisha papi lhnavot (Colosenses 3:20). Pa Jeova yen yitsha ĉa nivatĉ’usinatesh’in ĉa nach’ana pan Yivĉlanĵat chi’ pa Lhaôs. Etônch’e na Eclesiastés 11:9-12:1, na Mateo 19:13-15 chi’ na 21:15, 16.

5. ¿Ta lhjunash papi vatanavot ti isjop ĉa neiĵatsĵanesh papi lhĉles ĉa ĉ’useemvatsham’in?

Papi vatanavot tajulhei ĉa niniyitesh jum ĵaspa nijutem pa lhajpôyich, pa lhôĉ chi’ pava t’uiĵatshiyis (1 Timoteo 5:8). Taĵ ti tajulhei ĉa neiĵatsĵanesh shta ĉa nantôfaĉlesh pa Dios chi’ ĉa nen (Efesios 6:4). Pa lhencheyasha papi vatanavot pa Dios yômesham ĵayu papi lhĉles. Pa vatneiĵatsĵanĵayash ti lhtatsuqu’esh na Biblia isjop ĉa nefenesh papi vataĉles ĉa isa’ pava lhaichavalhĵanôĉ. Etônch’e na Deuteronomio 6:4-7 chi’ na Proverbios 22:6.

Papi vataĉles suishemshi ĉa chinfayuĵat’in chi’ ĉa chinanfaĉleem pa is. Ve’lheesh’in suishemshi shta ĉa chinĉajôishiyan chi’ ĉa chinĉ’ôn’in ĉa yaaĵ ĉa nasnatesh pava yisasiyan (Proverbios 22:15). Taĵ ĉa chinĉajôishiyanesh yaaĵ ĉa asinô’mat’asha’ne. Etônch’e na Colosenses 3:21.

Napi nifaqu’in pa Jeova apis ti yisnatesh aĉloĵ nava vatqu’isĵayanĵas t’ajuya papi vatanavot chi’ papi vataĉles. Lhaĉom’a cavôque ti lhtatsuqu’esh na Biblia. Etônch’e na Salmo 19:7, 11.