PERAJ 6

¿Achike nqetamaj chi rij ri Kamïk Jöbʼ?

Ri Jehová xukʼïs kiwäch ri itzel taq winäq, ja kʼa ri Noé chuqaʼ ri rachʼalal xekolotäj (Génesis 7:11, 12, 23).

Ri arca kʼo pa yaʼ; ri itzel taq winäq najin yejiqʼ pa yaʼ; ri itzel taq ángeles xkipoʼ chik el kiʼ chuqaʼ xetzolin chi kaj

Kawinäq qʼij kawinäq aqʼaʼ xubʼän ri jöbʼ. Ri Ruwachʼulew xmuqutäj chi yaʼ. Ronojel ri itzel taq winäq xekäm.

Ri itzel taq ángeles xkiyaʼ kan ri kichʼakul achiʼel winäq, xkitzeqelibʼej ri Satanás. Rijeʼ xebʼeʼok demonios.

Ri Noé, ri ru-familia, ri chikopiʼ yeʼel pe chupam ri arca chuqaʼ ri arcoíris nqʼalajin pe chi kaj

Ri xeʼok chupam ri arca, xekolotäj. Xeqʼax ri junaʼ, ri Noé chuqaʼ ri rachʼalal xekäm. Kʼo jun qʼij, ri Jehová xkerukʼasoj chik richin man xkekäm ta chik.

Ri Jehová xtukʼïs chik kiwäch ri itzel taq winäq; ja kʼa ri e ütz, xkeruköl (Mateo 24:37-39).

Ri Satanás chuqaʼ ri demonios jalajöj rubʼanik yekiqʼol ri winaqiʼ

Ri Satanás chuqaʼ ri demonios kʼa yekiqʼol na ri winaqiʼ.

Achiʼel ri pa ruqʼij kan ri Noé, wakami e kʼïy man nkajoʼ ta nkinimaj rutzij ri Jehová. Xa bʼaʼ chik apo, ri Jehová xtukʼïs kiwäch ri itzel taq winäq (2 Pedro 2:5, 6).

Ri testigos de Jehová nkitzijoj ri ruchʼabʼäl ri Dios chi re jun achin. Jun achin nusikʼij ri Biblia

Ri testigos de Jehová e achiʼel ri Noé, nkibʼän ri nubʼij ri Dios.