PERAJ 5

¿Achike xeniman rutzij ri Dios toq majani tpe ri Kamïk Jöbʼ?

Ri pa ruqʼij kan ri Noé, xa xe chik itzelal yebʼanatäj (Génesis 6:5).

Ri itzel taq ángeles xkipoʼ pe kiʼ winaqiʼ chuqaʼ xekʼojeʼ kikʼin ri ixoqiʼ chi Ruwachʼulew

Ri Adán chuqaʼ ri Eva xekʼojeʼ kalkʼwal, ke riʼ xekʼiyïr ri winaqiʼ chi Ruwachʼulew. E kʼo ángeles xkibʼän achiʼel ri Satanás chuqaʼ xkiqʼäj rutzij ri Jehová.

Ke riʼ xepe chi Ruwachʼulew, achiʼel kibʼanik ri winaqiʼ, richin xekʼuleʼ kikʼin ri xtaniʼ. Ri kal xekʼojeʼ ri ixoqiʼ riʼ kan e jun wi chi kiwäch ri chʼaqa chik akʼwalaʼ, janila kuchuqʼaʼ chuqaʼ itzel kinaʼoj.

Jun ixöq ruchʼelen jun neneʼ chuqaʼ najin nchʼay ruma jun akʼwal. Ri kalkʼwal ri itzel taq ángeles kan itzel kinaʼoj

Kʼïy winaqiʼ xeʼitzelatäj pe. Ri Biblia nubʼij chi ri winaqiʼ xa xe chik itzelal yekibʼän. Ronojel ri kibʼanobʼal chuqaʼ ri kichʼobʼonik ruyon itzel.

Ri Noé xubʼän ri xubʼij ri Dios, chuqaʼ xubʼän ri arca (Génesis 6:13, 14, 18, 19, 22).

Ri Noé utziläj wi achin. Ri Jehová xubʼij chi re chi xtukʼïs kiwäch ri itzel taq winäq rikʼin jun kamïk jöbʼ.

Ri Noé chuqaʼ ri ru-familia nkibʼän ri arca

Chuqaʼ xubʼij chi re chi tubʼanaʼ jun arca richin xkerukusaj apo ri rachʼalal chuqaʼ ri chikopiʼ chupam.

Ri Noé nuyaʼ rutzijol chi ke ri winaqiʼ chi xtpe jun nimaläj jöbʼ, ja kʼa ri winaqiʼ xa yetzeʼen chi rij

Ri Noé xuyaʼ rutzijol chi xtpe jun kamïk jöbʼ, ja kʼa ri winaqiʼ man xkinimaj ta ri xubʼij. E kʼo ri xetzeʼen chi rij chuqaʼ e kʼo itzel xetzʼeton richin.

Ri Noé chuqaʼ ri ru-familia yekimöl ri chikopiʼ chuqaʼ yekikusaj apo chupam ri arca

Toq xukʼïs rubʼanik ri arca xerukusaj apo ri chikopiʼ chupam.