TANAJ 25
¿Achike ruma xojrubʼän ri Dios?
Ri Biblia nubʼij chi röj «xa kayoxiʼ ok qʼij nubʼän ri qakʼaslem» chuqaʼ «kan nojinäq chi rukʼayewal» (Job 14:1). Ja kʼa, ¿la ja reʼ ri kʼaslem ri nrajoʼ ri Dios pa qawiʼ? We man ke riʼ ta, ¿achike rurayibʼal ri Dios pa qawiʼ? ¿La kʼo jun qʼij xtbʼanatäj riʼ? Ri nubʼij ri Biblia kan xtukuqubʼaʼ akʼuʼx.
1. ¿Achike chi kʼaslem nrajoʼ ri Dios chi nqakʼwaj?
Ri Jehová nrajoʼ ri ütz pa qakʼaslem. Ruma riʼ toq xerubʼän ri Adán y ri Eva, ri nabʼey taq winäq, xeruyaʼ chuwäch jun tikʼasäs ulew: ri jardín de Edén. Chi riʼ «ri Dios kan xerurtisaj y xubʼij chi ke: Kixalkʼwalan y kixkʼiyïr y kan tinojisaj kʼa ruwäch chi jun ruwachʼulew y ja rïx xkixkʼojeʼ pa kiwiʼ ri chikopiʼ» (Génesis 1:28). Ri Jehová xrajoʼ chi xekʼojeʼ ta kalkʼwal, xkibʼän ta jun tikʼasäs ulew chi re ronojel Ruwachʼulew chuqaʼ yekichajij ta ri chikopiʼ. Rijaʼ xrajoʼ ta chi konojel ri winaqiʼ majubʼey yeyawäj ta nixta yekäm.
Stapeʼ man ke riʼ ta xbʼanatäj,a ri rurayibʼal ri Dios man rujalon ta (Isaías 46:10, 11). Rijaʼ kʼa nrajoʼ chi ri winaqiʼ ri nkinimaj rutzij yekʼaseʼ richin jantapeʼ akuchi man kʼo ta tijoj poqonal (tasikʼij Apocalipsis 21:3, 4).
2. ¿Achike ütz nqabʼän richin yojkikot pa qakʼaslem wakami?
Ri Jehová xojrubʼän richin nqarayij nqetamaj ruwäch chuqaʼ nqayaʼ ruqʼij (tasikʼij Mateo 5:3-6). Ri Dios nrajoʼ chi yojok rachibʼil, chi nqasamajij ronojel ri rupixaʼ, chi nqajoʼ chuqaʼ chi nqayaʼ ruqʼij rikʼin ronojel ri qanima (Deuteronomio 10:12; Salmo 25:14). We nqabʼän ronojel reʼ, kan xkojkikot stapeʼ e kʼo kʼayewal. Ri nqayaʼ ruqʼij ri Jehová nubʼän chi nqanaʼ chi kʼo achoj ruma oj kʼäs.
TQANIKʼOJ RIJ
Tqatzʼetaʼ ronojel ri ajowabʼäl xukʼüt ri Jehová toq xubʼän ri Ruwachʼulew chuqaʼ achike nukʼüt ri Ruchʼabʼäl chi rij ri achike ruma oj kʼäs.
3. Ri nrajoʼ ri Jehová pa qakʼaslem kan jebʼël
Titzʼetaʼ ri VIDEO chuqaʼ kixchʼon chi rij reʼ:
¿Achike ruma ri Dios xubʼän re jebʼël Ruwachʼulew reʼ?
Tisikʼij Eclesiastés 3:11 chuqaʼ kixchʼon chi rij reʼ:
¿Achike nukʼüt reʼ chi qawäch chi rij ri Jehová?
4. Ri Jehová man rujalon ta ri ruchʼobʼon pa kiwiʼ ri winaqiʼ
Tisikʼij Salmo 37:11, 29 chuqaʼ Isaías 55:11, chuqaʼ kixchʼon chi rij reʼ:
¿Achike ruma qetaman chi ri rurayibʼal ri Jehová pa kiwiʼ ri winaqiʼ majun rujalon ta?
Jun jay man ütz ta xchajïx kʼa ütz nbʼan utzil. Junan nbʼanatäj rikʼin ri Ruwachʼulew: ri winaqiʼ janila kitzʼilbʼisan, ja kʼa ri Dios xtubʼän utzil richin chi ri winaqiʼ ri nkajoʼ rijaʼ yekʼojeʼ chi riʼ.
5. Ri nqayaʼ ruqʼij ri Jehová nubʼän chi nqanaʼ chi kʼo achoj ruma oj kʼäs
Ri nqetamaj achike ruma oj kʼäs nubʼän chi más yojkikot. Titzʼetaʼ ri VIDEO chuqaʼ kixchʼon chi rij reʼ:
¿Achike rubʼanik xutoʼ ri Terumi ri xretamaj achike ruma oj kʼäs?
Tisikʼij Eclesiastés 12:13 chuqaʼ kixchʼon chi rij reʼ:
Rikʼin ronojel ri rubʼanon ri Jehová pa qawiʼ, ¿achike ütz nqabʼän richin nqakʼüt chi re chi yojmatyoxin?
E KʼO JUJUN NKIKʼUTUJ REʼ: «¿Achike ruma oj kʼäs?».
¿Achike xtabʼij rat?
TQAKAMULUJ
Ri Jehová nrajoʼ chi yojkʼojeʼ chuwäch ri Ruwachʼulew, chi man yojyawäj ta chuqaʼ man yojtijon ta poqön richin jantapeʼ. Chuqaʼ wakami, röj yojtikïr yojkikot toq nqayaʼ ruqʼij ri Jehová rikʼin ronojel ri qanima.
Ri xawetamaj
Toq ri Jehová xerubʼän ri Adán chuqaʼ ri Eva, ¿achike ruchʼobʼon wi pa kiwiʼ rijeʼ?
¿Achike ruma qetaman chi ri nrajoʼ wi ri Dios pa kiwiʼ ri winaqiʼ majun rujalon ta?
¿Achike kʼo chi nabʼän wakami richin yakikot pa akʼaslem?
RICHIN NAWETAMAJ MÁS
Tatzʼetaʼ achike ruma nqabʼij chi kan qitzij wi xkʼojeʼ ri jardín de Edén.
«¿La qitzij xkʼojeʼ ri jardín de Edén?» (La Atalaya, 1 de enero de 2011)
Tawetamaj achike ruma qetaman chi ri Ruwachʼulew majubʼey xtkʼis ruwäch.
Tatzʼetaʼ achike nubʼij ri Biblia chi rij ri achike ruma oj kʼäs.
Jun achin ri kʼo wi ronojel rikʼin xutzʼët chi kʼo najowatäj pa rukʼaslem.
a Chupam ri jun chik tanaj xtqatzʼët achike ruma man xbʼanatäj ta ri xrajoʼ ri Dios.