TANAJ 18
¿Achike rubʼanik nqetamaj kiwäch ri qitzij taq cristianos?
Pa millón chi winaqiʼ nkibʼij chi e cristianos, ja kʼa man konojel ta junan ri nkinimaj chuqaʼ man junan ta rubʼanik kikʼwan ri kikʼaslem. Ruma riʼ ¿achike rubʼanik yojtikïr nqetamaj kiwäch ri qitzij taq cristianos?
1. ¿Achike jun qitzij cristiano?
Ri cristianos ja riʼ ri e rutzeqelibʼey ri Jesucristo (tasikʼij Hechos 11:26). ¿Achike rubʼanik nkikʼüt chi nkitzeqelibʼej richin? Ri Jesús xubʼij: «We rïx kan jebʼël rukʼwaxik nibʼän chi re ri nuchʼabʼäl, kan xkixok kʼa qitzij taq tzeqelibʼey wichin» (Juan 8:31). Reʼ nel chi tzij chi ri qitzij taq cristianos kʼo chi nkinimaj ri xukʼüt kan ri Jesús. Ri qitzij taq cristianos nkelesaj ri nkinimaj chupam ri Biblia, achiʼel ri xubʼän ri Jesús rikʼin ri Ruchʼabʼäl ri Dios ojer kan (tasikʼij Lucas 24:27).
2. ¿Achike rubʼanik nkikʼüt ajowabʼäl chi kiwäch ri qitzij taq cristianos?
Ri Jesús xubʼij chi ke ri rutzeqelibʼey: «kan tiwajowalaʼ kʼa iwiʼ kan achiʼel ri yixinwajoʼ yin» (Juan 15:12). ¿Achike rubʼanik xukʼüt ri Jesús chi yerajoʼ ri rutzeqelibʼey? Xkʼojeʼ kikʼin, xukuqubʼaʼ kikʼuʼx, xerutoʼ, chuqaʼ xkäm kuma rijeʼ (1 Juan 3:16). Achiʼel ri Jesús, ri qitzij taq cristianos man xa xe ta yechʼon chi rij ri ajowabʼäl; nkikʼüt rikʼin ri nkibʼij chuqaʼ rikʼin ri kibʼanobʼal.
3. ¿Achike samaj kiyaʼon más rejqalem ri qitzij taq cristianos?
Ri Jesús xuyaʼ jun samaj pa kiqʼaʼ ri rutzeqelibʼey, xerutäq «richin xebʼe chi rutzijoxik ri Rajawaren [o ru-Reino] ri Dios» (Lucas 9:2). Ri nabʼey taq cristianos man xa xe ta xkitzijoj Ruchʼabʼäl ri Dios akuchi nkimöl wi kiʼ, chuqaʼ xkitzijoj chi taq jay chuqaʼ akuchi nkimöl wi kiʼ e kʼïy winäq (tasikʼij Hechos 5:42; 17:17). Wakami ri qitzij taq cristianos chuqaʼ nkitzijoj ri qitzij chi rij ri Biblia xa bʼa akuchi e kʼo winaqiʼ. Ruma janila yeʼajowan, rijeʼ nkikusaj ri kiramaj chuqaʼ ri kuchuqʼaʼ richin nkikuqubʼaʼ kikʼuʼx ri winaqiʼ rikʼin ri Biblia (Marcos 12:31).
TQANIKʼOJ RIJ
Tqatzʼetaʼ achike ruma man e junan ta ri qitzij taq cristianos kikʼin ri chʼaqa chik winaqiʼ ri man nkikʼäm ta kinaʼoj chi rij ri Jesús nixta nkibʼän ri xukʼüt kan rijaʼ.
4. Nkikanoj ri qitzij chi rij ri Biblia
Ri nabʼey taq cristianos xkiyaʼ rejqalem ri Ruchʼabʼäl ri Dios.
Man konojel ta ri nkibʼij chi e cristianos nkiyaʼ rejqalem ri nukʼüt ri Biblia. Titzʼetaʼ ri VIDEO chuqaʼ kixchʼon chi rij reʼ:
E kʼo jujun Iglesias ri nkibʼij chi e cristianas majun xkajoʼ ta chi ri winaqiʼ xketamaj chi rij ri xukʼüt kan ri Jesús, ¿achike rubʼanik xkibʼän riʼ?
Ri Jesús xukʼüt el qitzij ri kʼo chupam ri ruchʼabʼäl ri Dios. Tisikʼij Juan 18:37 chuqaʼ kixchʼon chi rij reʼ:
¿Achike rubʼanik nqetamaj kiwäch ri cristianos ri nkikʼüt ri qitzij chi rij ri Dios?
5. Nkitzijoj ri qitzij ri kʼo chupam ri Biblia
Ri nabʼey taq cristianos xkitzijoj ri Ruchʼabʼäl ri Dios.
Toq ri Jesús majani tbʼe chi laʼ chi kaj xuchilabʼej chi ke ri rutzeqelibʼey jun samaj ri kan najin nbʼan. Tisikʼij Mateo 28:19, 20 chuqaʼ Hechos 1:8, chuqaʼ kixchʼon chi rij reʼ:
¿Kʼa akuchi kʼo chi ntzijöx ri Ruchʼabʼäl ri Dios chuqaʼ jampeʼ kʼo chi nkʼis?
6. Nkisamajij pa kikʼaslem ri nkikʼüt
¿Achike ruma jun achin ri rubʼiʼ Tom xuyaʼ pa ranima chi xerïl ri qitzij taq cristianos? Titzʼetaʼ ri VIDEO chuqaʼ kixchʼon chi rij reʼ:
Achiʼel xqatzʼët chupam ri video, ¿achike ruma ri religiones xkiyaʼ bʼis pa ranima ri Tom?
¿Achike ruma ri Tom ruyaʼon pa ranima chi xrïl ri qitzij?
Rikʼin ri qabʼanobʼal nqakʼüt chi qitzij oj rutzeqelibʼey ri Jesús. Tisikʼij Mateo 7:21 chuqaʼ kixchʼon chi rij reʼ:
¿Achike kʼo más rejqalem chuwäch ri Jesús: ri yeqabʼij o ri yeqabʼän?
7. Nkikʼüt ajowabʼäl chi kiwäch
Ri nabʼey taq cristianos xkajowalaʼ kiʼ.
¿La kiyaʼon kikʼaslem ri cristianos kuma ri kachibʼil? Titzʼetaʼ ri VIDEO chuqaʼ kixchʼon chi rij reʼ:
¿Achike ruma ri qachʼalal Lloyd xrajoʼ xuyaʼ ta rukʼaslem ruma ri qachʼalal Johansson?
¿Nabʼij rat chi rikʼin ri runaʼoj xukʼüt chi jun qitzij cristiano?
Tisikʼij Juan 13:34, 35 chuqaʼ kixchʼon chi rij reʼ:
¿Achike kinaʼoj kʼo chi nkikʼüt ri rutzeqelibʼey ri Jesús, ri qitzij taq cristianos, kikʼin ri winaqiʼ ri jun chik kijatzul o kitinamit?
Chuqaʼ, ¿achike rubʼanik yetikïr nkibʼän reʼ pa taq tinamït ri najin ri oyowal?
E KʼO JUJUN NKIBʼIJ REʼ: «Konojel ri cristianos e junan. Xa bʼa achike na ri ki-religión».
¿Achike texto xtakusaj richin xtakʼüt achike ri qitzij taq cristianos?
TQAKAMULUJ
Ri qitzij taq cristianos nkibʼän ri nukʼüt ri Biblia, chuqaʼ nkixikʼ kiʼ richin yekitoʼ ri chʼaqa chik ruma yekajoʼ chuqaʼ nkitzijoj ri qitzij chi rij ri Biblia.
Ri xawetamaj
¿Akuchi nkelesaj ri kiniman pe ri qitzij taq cristianos?
¿Achike ri naʼoj ri kʼo más rejqalem nkikʼüt ri qitzij taq cristianos?
¿Achike samaj nkibʼän?
RICHIN NAWETAMAJ MÁS
Tawetamaj más ütz kiwäch jun molaj ri nkixikʼ kiʼ richin nkikʼäm kinaʼoj ri Jesús chuqaʼ nkibʼän ri xukʼüt kan rijaʼ.
Tasikʼij achike rubʼanik jun ixöq ri xok monja xrïl «jun qitzij familia».
«Xkiqʼalajrisaj ronojel ri nukʼutunïk rikʼin ri Biblia» (La Atalaya, 1 de abril de 2014)
Tatzʼetaʼ achike rubʼanik ri qitzij taq cristianos nkikʼüt chi nkajoʼ ri qachʼalal toq nkʼatzin kitoʼik.
Yeqatoʼ ri qachʼalal toq yebʼanatäj nimaʼq taq kʼayewal (koʼöl peraj) (3:57)
Ri Jesús xukʼüt kan achike ri kinaʼoj ri rutzeqelibʼey. Tatzʼetaʼ achike rubʼanik nkijunumaj ri kinaʼoj ri ojer taq cristianos kikʼin ri qitzij taq cristianos ri wakami.
«¿Achike kinaʼoj ri qitzij taq cristianos?» (La Atalaya, 1 de marzo de 2012)