Isaías

2 Ma xträq ta rchiʼ chqä ma kuw ta xttzjon, ma xtkʼoxäx ta rchʼaʼäl pa bʼey. 3 Ma xtresaj ta pa kaʼiʼ ri aj ri xa qʼajnäq chik nixta xtchüp ri qʼaqʼ ri xa jbʼaʼ nrajoʼ rchë nchup. Ryä kan xtuʼän chë pa rbʼeyal xtbʼan che rä jontir. 5 Ya reʼ nuʼij ri kʼaslïk Dios Jehová, ri xbʼanö ri kaj chqä ri Nimaläj Dios ri xrikʼö rchë, ri xbʼanö le Rwachʼlew chqä ri nbʼanö chë nuyaʼ rwäch, ri nyaʼö rxlaʼ yaʼ chkë ri ye kʼo chwäch chqä ri nyaʼö kʼaslemal chkë ri yebʼiyïn chwäch: 8 Rïn yïn Jehová. Ya riʼ nbʼiʼ; ri nqʼij ri nkʼojlen majun achoq che rä nyaʼ wä nixta nyaʼ qʼij chë tyaʼöx kiqʼij tyox rma xa xuʼ rïn taqäl chwij nyaʼöx nqʼij. 9 Ri xebʼix ojer ya xebʼanatäj yän; komä kʼo jojun chik ri nyaʼ rtzjol chiwä. Ye kʼa naʼäy ntzjoj chiwä rïx loman majanä kebʼanatäj».