Job

6 Xapon kʼa ri qʼij taq ri ralkʼwal Dios xeʼok apü chwäch Jehová, y Satanás chqä kʼo wä chkikojöl ryeʼ. 8 Y Jehová xuʼij che rä Satanás: «¿Atzʼeton achkë najin nuʼän Job ri nsamajel? Majun chik jun nilitäj ta chwäch le Rwachʼlew achiʼel ryä, jun achï ri majun mak nilitäj ta chrij chqä jïk rkʼaslemal, ma nuqasaj ta rqʼij Dios chqä ma nuʼän ta ri itzelal». 9 Rkʼë riʼ, Satanás xuʼij che rä Jehová: «¿Chaq ke riʼ komä Job nunmaj rtzij Dios? 10 ¿Ma achajin ta komä ryä, rxjayil, ralkʼwal chqä jontir ri kʼo rkʼë? Ato’on rk’ë rsamaj chqa ab’anon chë ye k’iyirnäq ri chköp yertikon. 11 Ye kʼa tawesaj jontir ri achkë kʼo rkʼë, y tatzʼetaʼ na peʼ chë kan xtkʼastaj apaläj». 21 y xuʼij: «Majun ta nkʼamon pä taq xinaläx, y majun ta xtinkʼwaj äl. Jehová xyaʼö pä jontir chwä y Jehová xesan chwä. Ronojel mul tyaʼöx ta kʼa rqʼij rbʼiʼ Jehová». 22 Rkʼë jontir reʼ, Job ma xmakun ta nixta xqʼabʼaj chrij Dios chë kʼo jun ma ütz ta xuʼän.