Job

2 «Komä ntaman chë rït xa bʼa achkë yakowin naʼän y chë majun ta jun ri achʼobʼon naʼän ma ta xkakowin xtaʼän. 3 Rït xaʼij: ‹¿Achkë laʼ le jun ri xa najin nuqasaj rqʼij ri npixaʼ tapeʼ ma rtaman ta achkë qäs najin nbʼanatäj?›. Y kantzij ri xaʼij, rma rïn xitzjon tapeʼ ma nqʼax ta pa njolon jontir ri nimaläj taq naʼoj chi nwäch rïn, naʼoj ri ma ntaman ta. 5 Xa xuʼ wä nkʼoxan chawij rït, ye kʼa komä kan yatintzʼët. 6 Rma riʼ ntzolij wiʼ rkʼë ri xinbʼij y rkʼë chaj chqä poqlaj ntzolij wä wiʼ». 7 Taq Jehová xkʼïs rtzij rkʼë Job, Jehová xuʼij che rä Elifaz ri aj Temán: «Kowan nyowal chawä rït chqä chkë ri kaʼiʼ awachiʼil, rma chë rïx xa xitzʼük tzij chwij y ma xiʼän ta achiʼel xuʼän ri nsamajel Job. 8 Komä tikʼwaj 7 achij wakx y 7 achij karneʼl, y jäx rkʼë Job, ri nsamajel. Tiporoj jun sacrificio chi nwäch rïn pan iwiʼ rïx, y Job, ri nsamajel, xtchʼö wkʼë pan iwiʼ rïx. Chöj nbʼij chiwä chë xtinbʼän ri xtkʼutuj ryä chwä y ma xtinbʼän ta ri taqäl chiwij nikʼül rma kan majun ta inaʼoj xiʼän; rma pa rkʼexel kantzij xixtzjon chwij, achiʼel xuʼän Job, ri nsamajel, rïx xa ma xiʼän ta riʼ». 9 Rma riʼ, Elifaz ri temanita, Bildad ri suhita y Zofar ri naamatita xkiʼän ri xuʼij Jehová chkë. Y Jehová xyaʼ rxkïn che rä Job taq xchʼö rkʼë. 10 Taq Job ya xchʼö yän pa kiwiʼ ri rchiʼil, Jehová xresaj ri tijöj poqonal chrij Job y xtzolij jontir che rä ri kʼo wä rkʼë rbʼanon qa. Jehová kan kaʼiʼ mul xyaʼ che rä ri kʼo wä rkʼë rbʼanon qa. 17 Pa rkʼisbʼäl, Job xkäm, ye kʼa kan kʼïy jnaʼ xkʼaseʼ chqä kan kiʼ rkʼuʼx xuʼän chpan rkʼaslemal.