Mateo

18 Y ya reʼ xbʼanatäj taq majanä taläx Jesucristo. Chkipan ri qʼij riʼ, María, ri xbʼeʼok rteʼ Jesús, ya rbʼin wä chik che rä José rchë nkʼleʼ rkʼë. Ye kʼa taq majanä tkʼleʼ rkʼë, Dios xksaj ri loqʼoläj rchqʼaʼ rchë xuʼän chë María xkanaj qa pa yabʼil. 19 Ye kʼa rma José kan nqä wä chwäch nuʼän ri ütz, ma xrajoʼ ta chë María nutzäq rkʼïx chkiwäch ri winäq. Rma riʼ pa ryonïl xrajoʼ xuʼij che rä chë ma xtkʼän ta chik. 20 Ye kʼa taq xchʼöbʼ yän nuʼän riʼ, xok qa rwaran. Y r·ángel Jehová xtzjon rkʼë chpan jun achïkʼ y xuʼij reʼ che rä: «José, ma taxiʼij ta awiʼ nakʼän María, rma yë Dios xbʼanö chë xkanaj qa pa yabʼil rkʼë ri loqʼoläj rchqʼaʼ. 21 Ryä xtbʼejeʼ jun ral, y kʼo chë Jesús rbʼiʼ xtayaʼ, rma yë ryä xtbʼanö chë xttel ri mak chkij ri winäq». 22 Jontir reʼ xbʼanatäj rchë nbʼetzʼaqät ri rbʼin qa chik Jehová. Ojer qa, ryä xuʼän chë jun chkë ri rprofetas xuʼij reʼ: 23 «Ri qʼopoj xtkanaj pa yabʼil chqä xtbʼejeʼ jun ral, y Emmanuel xtbʼix che rä» ri ntel chë tzij «Dios kʼo qkʼë röj». 24 Taq José xnaʼ riʼ rwäch, xuʼän ri xuʼij r·ángel Jehová che rä, rma riʼ xkʼleʼ rkʼë María. 25 Tapeʼ ke riʼ, ma xwär ta rkʼë kʼa taq xbʼeʼaläx ri akʼal. Y Jesús rbʼiʼ xyaʼ.