1 Samuel

2 Y David xkʼutuj che rä Jehová: «¿Kan nkʼatzin komä nbʼebʼanaʼ chʼaʼoj kikʼë ri filisteos?». Jehová xuʼij che rä: «Jaʼ, nkʼatzin nabʼanaʼ chʼaʼoj kikʼë ri filisteos rchë ke riʼ naköl Queilá». 3 Ye kʼa rwinaq David xkiʼij che rä: «Kan qaxiʼin qiʼ kʼa yoj kʼo na aweʼ Judá, ¡taquʼ na peʼ we xtqbʼä Queilá rche xtqabʼanaʼ chʼaʼoj kikʼë ri filisteos!». 4 Ye kʼa David xkʼutuj jmul chik che rä Jehová, y Jehová xuʼij che rä: «Tachapaʼ abʼey, kaxleʼ qa pa tinamït Queilá rma yenyaʼ ri filisteos pan aqʼaʼ».