2 Reyes

2 Taq ri sirios xkiʼän chʼaʼoj rkʼë ri tinamït Israel, xkikʼwaj äl jun ti qʼopoj ri xok rsamajel rxjayil Naamán. 3 Ryä xuʼij che rä rxjayil Naamán: «¡Xa ta ri wajaw nbʼertzʼetaʼ ri profeta chlaʼ Samaria! Ryä xtkowin xtknaj pä (xtqʼomaj pä) che rä ri lepra». 11 Taq Naamán xkʼoxaj riʼ, xpë ryowal chqä nuʼij wä reʼ taq xbʼä äl: «Chi nwäch rïn ryä xkirkʼül apü, xtpaʼeʼ aweʼ, xtskʼij rbʼiʼ Jehová ri rDios chqä xtqʼaxaj rqʼaʼ pa rwiʼ ri lepra rchë xkirknaj (xkirqʼomaj). 12 ¿Ma más ta komä ütz ri raqän yaʼ Abaná chqä Farpar, ri ye kʼo Damasco, chkiwäch ri raqän taq yaʼ ri ye kʼo Israel? ¿Ma yikowin ta komä nchʼajchʼobʼej wiʼ chkipan rchë ke riʼ xkikʼachöj?». Taq xuʼij yän riʼ, ryä kan rkʼë ryowal xtzolin äl. 13 Ri rsamajelaʼ xejelun apü rkʼë chqä xkiʼij che rä: «Tat, we ri achï xuʼij ta chawä chë tabʼanaʼ jun ri kan kʼayewal rbʼanik, ¿tapeʼ chë kan xaʼän ta? Kan ke riʼ chqä tabʼanaʼ komä, rma ryä xa xuʼ xuʼij chawä ‹Tachʼajchʼobʼej awiʼ, ke riʼ xkakʼachöj›». 14 Rma riʼ ryä xqä apü y xok 7 mul chpan ri raqän yaʼ Jordán, kan achiʼel wä xuʼij ri rsamajel ri kʼaslïk Dios che rä. Taq ryä xuʼän riʼ, ri rchʼakul xuʼän kan achiʼel rchʼakul jun akʼal y xkʼachöj. 15 Chrij riʼ xerkʼwaj äl rsoldados rchë xkibʼetzʼetaʼ chik jmul rsamajel ri kʼaslïk Dios. Taq kʼo wä chik chwäch, ryä xuʼij che rä: «Komä ntaman chë majun ta chik jun akuchï xtinwïl wä Dios, kan xa xuʼ pa Israel. Tabʼanaʼ utzil takʼamaʼ qa re spanïk reʼ ri nwajoʼ nyaʼ qa chawä».