Apocalipsis

1 Ri xkʼüt Dios chwäch Jesucristo rchë nukʼüt chkiwäch ri rsamajelaʼ ri kʼo chë xkebʼanatäj xa jbʼaʼ chik apü. Jesucristo xtäq pä r·ángel, y xksaj re ángel reʼ rchë xkʼüt ya riʼ chwäch Juan, ri rsamajel, kikʼë achbʼäl ri kʼo yeʼel chë tzij. 3 Kiʼ rkʼuʼx ri winäq ri kan rkʼë kuw rchʼaʼäl xtskʼij rwäch ri tzij ye kʼo chpan re profecía reʼ. Chqä kiʼ kikʼuʼx ri xkekʼoxan chqä xkesmajin ri tzʼibʼatäl qa chpan, rma ya nbʼeqä ri qʼij ri xkebʼetzʼaqät ri tzʼibʼatäl qa chpan. 6 —y xuʼän chë xq·ok qʼatöy taq tzij chqä rsacerdotes rDios chqä Rtataʼ—, yë ryä ri ronojel mul tyaʼöx rqʼij chqä ronojel uchqʼaʼ pa rqʼaʼ. Amén. 8 Ya reʼ nuʼij Jehová Dios: «Rïn yïn ri Alfa chqä ri Omega, ri kʼo ronojel uchqʼaʼ pa nqʼaʼ. Yïn rïn ri yïn kʼo komä, ri xijeʼ ojer chqä ri xkipë chqawäch apü». 9 Rïn, Juan, ri iwachʼalal chqä iwachiʼil rïx chpan ri tijöj poqonal, chpan ri Rqʼatbʼäl Tzij Dios chqä chpan ri kochʼonïk ri nuʼän chë jnan nuʼän qawäch rkʼë Jesús, xijeʼ chpan ri isla ri rbʼiniʼan Patmos rma xintzjoj chrij Dios chqä chrij Jesús chkë ri winäq. 10 Rkʼë rtoʼik ri loqʼoläj rchqʼaʼ Dios, rïn xijeʼ chpan ri rqʼij ri Ajaw, y xinkʼoxaj jun chʼaʼäl ri kan kʼo rchqʼaʼ ri xtzjon pä chwij, kan achiʼel nqʼajan jun trompeta,