1 Corintios

6 Wachʼalal, ronojel reʼ xinbʼij qa chwij rïn chqä chrij Apolos rchë, rma ri nitzʼët chqij röj, rïx xtiwïl utzil chqä xtismajij re pixaʼ reʼ: «Ma tiyaʼ ta rwiʼ ronojel ri tzʼibʼatäl qa». Ya riʼ xkixurtoʼ rchë ma xtinaʼ ta iwiʼ chqä rchë ma xtiwajoʼ ta jun, ye kʼa xtitzelaj ri jun chik. 7 Rma, ¿achkë nbʼanö chë rït ma yït jnan ta kikʼë ri nkʼaj chik? Taquʼ reʼ: ¿achkë ta kʼo awkʼë ri ma ta yë Dios yayon pä chawä? Rma riʼ, we kʼo jun xyaʼö pä chawä, ¿achkë rma nanaʼ awiʼ achiʼel ta ma ta yë Dios yayon pä chawä? 11 Kʼa komä, najin na nqaqʼaxaj nmïk chqä chaqiʼj chiʼ, ma kan ta kʼïy qatzyaq kʼo, chaq taqïl nqchʼay, majun qachoch ta 16 Rma riʼ, ntäj nqʼij chiwij chë tikʼamaʼ inaʼoj chwij. 17 Rma riʼ ntäq äl Timoteo iwkʼë, rma ryä achiʼel ta nkʼajol ri kowan nwajoʼ chqä nunmaj rtzij ri Ajaw. Ryä xtnataj chiwä achkë rbʼanik najin nkʼüt rïn chrij Cristo Jesús chkë jontir, achiʼel najin nkʼüt rïn xa bʼa akuchï yïn bʼenäq wä chkipan ri congregaciones.