Marcos

2 Rma riʼ kan ye kʼïy xkimöl kiʼ chriʼ, kan majun ta wä chik jun nqʼiʼ chpan ri jay, nixta chuchiʼ ri jay. Ya riʼ taq Jesús xchäp rtzjoxik Rchʼaʼäl Dios. 3 Chriʼ xkikʼäm pä jun achï che rä ri kan ma nkowin ta nslon, ri kikʼwan äl kajiʼ achiʼaʼ. 4 Ye kʼa, rma kan kowan winäq ye kʼo wä chriʼ, ma xekowin ta xeʼok kʼa akuchï kʼo wä Jesús. Rma riʼ xkesaj jun peraj che rä rwiʼ ri jay, xkiʼän jun jül y chriʼ xkiqasaj wä äl rchʼat ri achï ri ma nkowin ta nslon. 5 Taq Jesús xtzʼët chë ri achiʼaʼ riʼ kowan kikʼuqbʼäl kʼuʼx, xuʼij che rä ri achï ri ma nkowin ta nslon: «Walkʼwal, nküy jontir amak».