Salmos

15 Nimaläj Jehová, ¿achkë winäq nkowin ntok pan awachoch? ¿Achkë komä nkowin njeʼ pa rwiʼ ri loqʼoläj ajyuʼ? 2 Ri majun ta mak nilitäj chrij, ri nuʼän ri ütz chqä kantzij ntzjon. 3 Ma nutzʼük ta tzij chkij ri nkʼaj chik, majun ta itzelal nuʼän chkë chqä ma itzel ta ntzjon chkij ramigos. 4 Ma nukʼwaj ta riʼ kikʼë ri kan itzel kinaʼoj, ye kʼa nuyaʼ kiqʼij ri nkixiʼij kiʼ chwäch Jehová. Ronojel mul nuʼän ri nutzüj tapeʼ majun ta utzil nrïl ryä. 5 Ma nukʼutuj ta ral päq chkë ri nkʼaj chik taq nuqäj rrajil chkë, y ma nuyaʼ ta qʼij chë ntoj pa rqʼaʼ rchë nutzʼlaʼ ri winäq ri majun ta rmak. Ri winäq ri ke riʼ nuʼän, majun ta jun xtslon rchë.