Salmos

123 Kan rït yatintzuʼ, Rït ri yaqʼatö tzij chlaʼ chkaj. 2 Kan achiʼel rbʼanik nutzuʼ apü rqʼaʼ rajaw jun samajel, chqä kan achiʼel nutzuʼ rqʼaʼ rajaw jun aj ikʼ, kan ke riʼ chqä qabʼanon röj. Ri rnaqʼ qawäch kan yë Jehová ri qaDios nkitzuʼ, kʼa taq xtuʼij chqë chë ütz ri najin nqaʼän. 3 Jehová, taʼij chqë chë ütz ri najin nqaʼän, tayaʼ utzil pa qawiʼ. Ma nqaköchʼ ta chik ri itzelal najin nbʼan chqë. 4 Ya xikʼo qakʼuʼx chë ri winäq ri nkikʼuqbʼaʼ qa kikʼuʼx chkij itzel yetzjon chqij chqä chë ri kowan nkinaʼ kiʼ kan itzel yojkitzʼët.