Hechos

7 Ya riʼ xuʼän chë ri Rchʼaʼäl Dios xkraj riʼ rtzjoxik, y chpan Jerusalén kan kowan xekʼiyär ri rtzeqelbʼëy Cristo, y kan ye kʼïy sacerdotes xkinmaj chrij Jesús. 8 Chkipan ri qʼij riʼ, Esteban, ri kan ütz tzʼeton rma Dios chqä kan kʼo rchqʼaʼ Dios rkʼë, xeruʼän kʼïy nimaläj taq milagros pa kiwiʼ ri winäq chqä kʼïy ri kan ntel akʼuʼx chkë. 9 Ye kʼa jojun achiʼaʼ ri ye kʼo chpan ri Sinagoga kichë ri Libertos chqä jojun cireneos y alejandrinos, y jojun aj Cilicia y aj Asia, xekibʼebʼanaʼ chʼaʼoj rkʼë Esteban. 10 Ye kʼa ma xekowin ta xechʼakon chrij rma Esteban kan kowan wä rnaʼoj chqä kan jaʼäl rbʼanik xtzjon kikʼë. 11 Rma riʼ ri achiʼaʼ riʼ xkiʼij chkë jojun achiʼaʼ pa newäl chë tkiʼij reʼ: «Röj xqakʼoxaj chë xyöqʼ Moisés chqä xyöqʼ Dios». 12 Ya riʼ xuʼän chë ri winäq, ri ukʼwäy taq bʼey chqä ri escribas xpë kiyowal. Y kan chanin xeʼapon akuchï kʼo wä Esteban, xkichäp äl chqä xkikʼwaj äl chwäch ri Sanedrín.