Mateo

3 Jesús xkʼüt kʼa kʼïy naʼoj chkiwäch kikʼë kʼambʼäl taq tzij. Ryä xuʼij: «¡Tiyaʼ ixkïn! Jun ajtkoʼn xbʼä pa rjyuʼ rchë xbʼetkonäj. 4 Y taq najin wä ntkonäj, xetzaq qa jojun ijaʼtz chuchiʼ ri bʼey; xepë kʼa riʼ ajxikʼ taq chköp y xekitäj äl ri ijaʼtz riʼ. 5 Jojun chik xetzaq qa chpan ilew ri kʼo abʼäj chwäch, ri akuchï ma kan ta más ilew kʼo, y chanin xebʼos pä rma ma näj ta qajnäq wä qa ri ilew. 6 Ye kʼa, taq xel pä ri qʼij, xerkʼät ri ijaʼtz ri xebʼos pä, y rma ma näj ta bʼenäq wä rkʼamal, xechaqiʼj qa. 9 Ri kʼo rxkïn, kan tyaʼ rxkïn». 18 Komä kʼa tikʼoxaj achkë ntel che tzij ri kʼambʼäl tzij chrij ri achï ri xtkonäj qa. 19 Taq jun winäq nukʼoxaj ri rchʼaʼäl Dios ye kʼa ma nqʼax ta pa rjolon, ri Itzel Winäq npë chqä nukʼüq äl ri ijaʼtz ri xtik qa pa ran. Ya reʼ ri ijaʼtz ri xtik qa chuchiʼ ri bʼey. 20 Ri ijaʼtz ri xbʼos pä chpan ri ilew ri kʼo abʼäj chwäch, ya riʼ ri winäq ri nukʼoxaj ri rchʼaʼäl Dios y kan chanin nusmajij chqä kan rkʼë kiʼkʼuxlal nuʼän wä riʼ. 21 Ye kʼa rma ma näj ta bʼenäq wä rkʼamal ri rchʼaʼäl Dios pa ran, xa xuʼ jun tiempo nutäj rqʼij chsamajxik. Taq yepë kʼayewal chrij o nyaʼöx tijöj poqonal pa rwiʼ xa rma ri rchʼaʼäl Dios, kan chanin nkanaj qa. 22 Ri ijaʼtz ri xtik qa chkikojöl kʼix, ya riʼ ri winäq ri nukʼoxaj ri rchʼaʼäl Dios ye kʼa nuyaʼ qʼij chë nqʼolotäj pa rqʼaʼ ri bʼeyomäl chqä chë jontir ri yebʼanö chë nchʼpü rkʼuʼx nkikamsaj ri ijaʼtz. Rma riʼ ri rchʼaʼäl Dios ma nwachin ta pa ran. 23 Ye kʼa ri xtik chwäch ri utziläj ilew, nukʼambʼej tzij chrij ri nkʼoxan ri Rchʼaʼäl Dios, nqʼax chwäch ri ntamaj chqä jaʼäl nwachin. Reʼ xtyaʼ 100 mul más rwäch, ri jun chik 60 y ri jun chik 30». 33 [...] «Ri Rqʼatbʼäl Tzij Dios ri kʼo chkaj achiʼel wä ri levadura ri xksaj jun ixöq y xxöl rkʼë oxiʼ medidas de harina. Y riʼ xuʼän chë jontir ri harina xspöj». 34 Jesús xerksaj kʼambʼäl taq tzij rchë xuʼij ronojel reʼ chkë ri winäq. Majun ta jun mul ri ma ta xksaj kʼambʼäl taq tzij kikʼë. 38 Ri ilew ri akuchï nkʼaq wä ri ijaʼtz ya riʼ le rwachʼlew. [...] 40 Rma riʼ, kan achiʼel nbʼan rkʼë ri itzel qʼayis taq nkʼuq äl chqä nkʼaq pa qʼaqʼ, ke riʼ xtbʼanatäj taq xtbʼekʼis ri rkʼisbʼäl taq qʼij. 41 Ri Rkʼajol ri Achï xkertäq pä r·ángeles, y ryeʼ xtkesaj chpan Rqʼatbʼäl Tzij Dios jontir ri nkiʼän chë nkʼaj chik yeqä pa mak chqä ri winäq ri xa nkiqʼäj ri pixaʼ, 43 Chkipan ri qʼij riʼ, ri winäq ri kikʼwan jun jïk kʼaslemal kowan xketzʼitzʼan pa Rqʼatbʼäl Tzij Kitataʼ kan achiʼel ri Qʼij. Ri kʼo rxkïn, kan tyaʼ rxkïn. 44 Ri Qʼatbʼäl Tzij ri kʼo chkaj kan achiʼel ta jun bʼeyomäl ri ewan qa chpan jun jyuʼ ri xelitäj rma jun achï. Ri achï riʼ xrewaj qa chik jmul ri bʼeyomäl riʼ, ye kʼa rma kan janina xel rkʼuʼx che rä, ryä xkʼayij qa jontir ri kʼo rkʼë chqä xlöqʼ qa ri jyuʼ riʼ. 45 Chqä ri Qʼatbʼäl Tzij ri kʼo chkaj kan achiʼel ta jun kʼayinel ri yerkanuj perlas ri kan jotäl kajäl. 46 Taq xrïl jun perla ri janina rqʼij, chanin xkʼayij qa jontir ri kʼo rkʼë chqä xlöqʼ ri perla riʼ. 47 Ri Qʼatbʼäl Tzij ri kʼo chkaj achiʼel chqä jun yaʼl ri xkʼaq pa mar y jalajöj kiwäch kär xeqä chpan. 48 Taq xnuj ri yaʼl riʼ, ri xekʼaqö rchë xkesaj pä chuchiʼ yaʼ, xetzʼyeʼ y xekiyaʼ ri chawon taq kär chkipan chakäch, ye kʼa ri ma ye ütz ta xekikʼäq äl. 49 Ke riʼ chqä xtbʼanatäj taq ya xa nbʼekʼis ri najin nbʼanatäj chwäch le Rwachʼlew. Ri ángeles xkeʼel, xkekijäch ri itzel taq winäq kikʼë ri winäq ri kikʼwan jun chöj kʼaslemal