Hebreos

7 Taq xjeʼ chwäch le Rwachʼlew, Cristo kan xtäj rqʼij chukʼutxik rtoʼik che rä ri nkowin nuköl chwäch ri kamïk; chqä kan rkʼë oqʼej xuʼän wä, y kan xkʼoxäx rma ma xqasaj ta rqʼij Dios. 8 Tapeʼ kan rkʼajol wä Dios, ryä xtamaj achkë riʼ ri yanman tzij rma kan xtäj poqän. 9 Y, taq xtjöx yän rkʼë riʼ, ryä xbʼeʼok ri nyaʼö kolotajïk chkë ri yenman rtzij, 11 Kan kʼïy ri nqkowin na nqatzjoj chrij ryä, ye kʼa kan kʼayewal yeʼaqʼalajsaj, rma rïx kan kʼayewal nqʼax ri naʼoj riʼ chiwäch. 12 Rma, tapeʼ rïx komä ya najin ta chik yeʼitjoj ri nkʼaj chik, xa kʼa nkʼatzin na nkʼut chiwäch ri naʼoj ri xekʼut pa naʼäy chiwäch chrij Dios. Rïx kʼa nkʼatzin na nyaʼöx leche chiwä pa rkʼexel kan chöj wäy nitäj. 13 Y ri xa achiʼel ta leche nutäj ma rtaman ta achkë riʼ ri chöj, rma xa achiʼel ta jun ti neʼy. 14 Ye kʼa, ri naʼoj ri achiʼel ta kan wäy, ya riʼ kichë ri winäq ri kʼuqül chik kikʼuʼx pa rchʼaʼäl Dios, y rma kan kismajin ri naʼoj riʼ, kitjon ri rbʼanik yechʼobʼon rchë nqʼalajin chkiwäch achkë riʼ ri ütz chqä ri ma ütz ta.