1 Timoteo

8 Rma riʼ, we kʼo qaway chqä qatzyaq, kiʼ qakʼuʼx tqabʼanaʼ rkʼë riʼ. 9 Ye kʼa ri kiyaʼon chwäch kan yeʼok bʼeyomaʼ xkepë itzel taq raynïk pa kan chqä xkeqä chkipan ri itzel taq raynïk riʼ. Ronojel riʼ xa pa kʼayewal xkerkʼwaj wä. 10 Rma ri xa chrij päq nbʼä wä awan xa ryon kʼayewal nukʼäm pä pan awiʼ, y rma jojun xa chrij riʼ bʼenäq wä kan, eqal eqal xkʼis qa ri kikʼuqbʼäl kʼuʼx chqä kilon kʼïy kʼayewal. 11 Rma riʼ rït, ri rsamajel Dios, katanmäj chwäch jontir reʼ. Ye kʼa kan pa rbʼeyal tabʼanaʼ che rä ronojel, tayaʼ rqʼij Dios, takʼuqbʼaʼ akʼuʼx chrij, takʼutuʼ ajowabʼäl, kakochʼon chqä tatjaʼ aqʼij rchë ma qʼaqʼ ta nuʼän ajolon. 17 Taʼij reʼ chkë ri kʼo kibʼeyomal: chë ma tkinaʼ ta kiʼ chqä chë ma tkikʼuqbʼaʼ ta kikʼuʼx chrij ri bʼeyomäl, ri komä kʼo ye kʼa chwaʼq majun ta chik; xa kan tkikʼuqbʼaʼ kikʼuʼx chrij Dios ri kan pa rkʼiyal nuyaʼ pä jontir chqë rchë röj kiʼ qakʼuʼx nqaʼän. 18 Taʼij chkë chë tkibʼanaʼ ri ütz, chë tkibʼanaʼ utziläj taq bʼanobʼäl, chë kespan chqä chë ma tkikʼekʼej ta nkiyaʼ ri kʼo kikʼë, 19 [...] rchë ke riʼ xkekowin xtkibʼeqʼiʼ ri kʼaslemal ri kantzij chë kʼaslemal. 20 Timoteo, tachajij ri yaʼon qa pan aqʼaʼ, y ma keʼaksaj ta tzij ri xa ma yekʼatzin ta chqä xa nkiqasaj rqʼij jontir ri loqʼoläj. Chqä ma keʼakʼän ta apü ri tzʼukun taq naʼoj ri xa ye alenäq pä chpan ri ma kantzij ta etamabʼäl.