Romanos

4 ¿Achkë ta chik abʼanik rït rchë itzel yatzjon chrij rsamajel jun winäq? Chwäch ri winäq riʼ kʼo wä rchë nutoʼ rsamajel rchë jontir ütz ntel chwäch o rchë ma ntzaq ta. Y, ma xa xuʼ ta riʼ, ryä ma xttzaq ta rma Jehová nkowin nutoʼ rchë ma xttzaq ta. 5 Chwäch jun winäq, jun qʼij kʼo más rqʼij chkiwäch ri nkʼaj, ye kʼa chwäch jun chik, xa bʼa achkë qʼij kan jnan yertzʼët. Chijujnal rïx nkʼatzin niyaʼ pan ijolon ri achkë niwajoʼ niʼän. 8 We yoj kʼäs, yoj kʼäs rma Jehová, y we nqkäm, nqkäm rma Jehová. Rma riʼ, we yoj kʼas o nqkäm, yoj rchë Jehová. 10 Ye kʼa ¿achkë rma rït kan itzel yatzjon chrij awachʼalal? ¿O achkë rma kan itzel nanaʼ che rä? Rma Dios xtqʼät tzij pa qawiʼ jontir. 12 Rma chqajujnal röj kʼo chë xtqatöj na ri yeqaʼän chwäch Dios. 13 Rma riʼ, ma qtzjon ta itzel chkij ri nkʼaj chik. Pa rkʼexel riʼ, xa tqayaʼ chwäch qan ma nqatzäq ta jun qachʼalal o nqaʼän chë kʼo jun nqʼatö qa rchë. 19 Rma riʼ, ma tqayaʼ ta qa kibʼanik ronojel ri yebʼanö chë ma njeʼ ta chʼaʼoj chqakojöl chqä ronojel ri yekʼatzin rchë nqakʼuqbʼalaʼ qakʼuʼx chqawäch. 20 Ma tawulaj ta rsamaj Dios xa rma rkïl wäy. Tapeʼ jontir ri natäj kan chʼajchʼöj, kan ma ütz ta natäj riʼ we xa nutzäq jun awachʼalal. 21 Más ütz ma tatäj ta tiʼäj o naqüm vino o naʼän chik jun ri xa nutzäq awachʼalal.