2 Pedro

5 Chqä ma xqʼät ta riʼ taq xyaʼ pä kʼayewal pa kiwiʼ ri winäq ojer, ye kʼa xköl qa Noé, ri xtzjoj rchʼaʼäl Dios, chqä 7 winäq taq xuʼän chë xpë jun mamaʼ qʼeqäl jöbʼ pa kiwiʼ itzel taq winäq. 7 Chqä xköl Lot, jun achï ri xkʼwaj jun jïk kʼaslemal chqä kowan xbʼison rma ri itzel taq winäq kan ma xekʼïx ta xkiʼän ri itzelal, 8 rma ronojel qʼij ri jun achiʼ riʼ, ri jïk rkʼaslemal, kan ntiʼon wä ran rma ri itzelal ri yertzʼët wä chqä ri yerkʼoxaj taq kʼo wä chkikojöl ryeʼ. 9 Jehová rtaman yerköl chkiwäch ri kʼayewal ri winäq ri nkiyaʼ rqʼij chqä yerkʼöl ri winäq ri ma xkikʼwaj ta jun jïk kʼaslemal rchë xtchup kiwäch chpan ri qʼij ri xtqʼat tzij pa kiwiʼ, 10 y más ri winäq ri nkikanuj rbʼanik rchë nkitzʼilbʼisaj kichʼakul nkʼaj chik chqä ma nkajoʼ ta nqʼat tzij pa kiwiʼ. Rma ryeʼ majun ta jun nkixiʼij kiʼ nkiʼän chqä kan ye wiʼx, ma nkixiʼij ta kiʼ yetzjon itzel chkij ri yaʼon kiqʼij rma Dios. 11 Ye kʼa ri ángeles, tapeʼ kʼo más kichqʼaʼ chkiwäch ryeʼ, ma yetzjun ta chkij nixta yekiyöqʼ rma kʼo rqʼij Jehová chkiwäch. 12 Ye kʼa re achiʼaʼ reʼ, ri kan ye achiʼel ta chköp ri ma nkiquʼ ta ri nkiʼän chqä yeʼaläx xa xuʼ rchë yechap äl chqä nchup kiwäch, kan itzel yetzjon chrij ri ma kitaman ta. Ryeʼ xtchup kiwäch rma kan itzel bʼey kikʼwan,