Juan

9 Taq xqʼax äl chriʼ, xtzʼët jun achï ri kan pa ralaxik ma ntzuʼun ta. 2 Rma riʼ, ri rtzeqelbʼëy xkikʼutuj reʼ che rä: «Rabí, ¿achkë xmakun rma riʼ re achï reʼ moy xaläx: yë ryä, o rteʼ rtataʼ?». 3 Jesús xuʼij reʼ: «Ma rmak ta ryä nixta rteʼ rtataʼ, ye kʼa xbʼanatäj reʼ rchë chöj nqʼalajin chrij ryä ri nkowin nuʼän Dios. 5 Loman xkijeʼ chkikojöl ri winäq, rïn xkinok ri saqïl». 7 y xuʼij reʼ che rä: «Tabʼechʼajaʼ awäch chpan ri yaʼ Siloam» (ri ntel chë tzij «taqon»). Rma riʼ, ri achï xbʼä äl, xchʼäj rwäch y, taq xtzolin pä, ya ntzuʼun wä chik. 35 Jesús xkʼoxaj chë ryeʼ xkesaj äl ri achï riʼ kikʼë, y taq xrïl, xkʼutuj reʼ che rä: «¿Akʼuqbʼan akʼuʼx rït chrij Rkʼajol ri Achï?». 36 Ryä xuʼij che rä: «Wajaw, ¿achkë riʼ ryä? Taʼij chwä rchë rïn nkʼuqbʼaʼ nkʼuʼx chrij». 37 Jesús xuʼij che rä: «Rït atzʼeton chik ryä, y najin yatzjon rkʼë komä». 38 Taq xkʼoxaj riʼ, ryä xuʼij che rä: «Wajaw, rïn nkʼuqbʼan nkʼuʼx chrij ryä». Y xqasaj riʼ pan ilew chwäch.