Lucas

12 Chrij riʼ xuʼij ya reʼ che rä ri achï ri xskʼin rchë chrachoch: «Taq rït xkeʼaskʼij ri winäq rchë nayaʼ jun kiway, rkʼë jbʼaʼ paqʼij o chaqʼaʼ, ma keʼaskʼij ta awamigos, awachʼalal pan awachoch, ri nkʼaj chik awachʼalal chqä ri avecinos ri kʼo kirajil. We rït xtaʼän riʼ, ryeʼ chqä xkekowin xkatkiskʼij chkachoch, y rkʼë ya riʼ xtkitöj chawä ri xayaʼ rït chkë ryeʼ. 13 Pa rkʼexel naʼän riʼ, taq naʼän jun waʼin, keʼaskʼij ri majun ta kirajil, ri ma yekowin ta nkisloj kiqʼaʼ kaqän, ri ye koj·ïn chqä ri moyiʼ. 14 We xtaʼän riʼ, rït kan kiʼ akʼuʼx xtaʼän, rma ryeʼ majun ta kʼo kikʼë rchë nkitzolij rkʼexel chawä. Ye kʼa rma xaʼän riʼ, xtyaʼöx rajäl rkʼexel chawä taq xkekʼasöx pä ri kamnaqiʼ ri xkikʼwaj jun chöj kʼaslemal». 28 Jun tzʼetbʼäl: ¿Achkë chiwä rïx taq nrajoʼ nuyäk jun jay ma ntzʼyeʼ ta na naʼäy rchë nutzʼët jaruʼ päq xtkʼatzin che rä chqä we xtqʼiʼ apü rchë xtkʼïs ryakik ri jay? 29 Rma we ma xtuʼän ta riʼ, rkʼë jbʼaʼ xtyaʼ rxeʼel ri jay ye kʼa ma xtkowin ta chyakik, y jontir ri xketzʼetö rchë xketzeʼen chrij 30 y xtkiʼij: ‹Le achï laʼ xchäp ryakik jun jay, ye kʼa ma xkowin ta xkʼïs›. 33 Chqä, tiyaʼ chwäch iwan chë majun ta jun chiwä rïx xtkowin xttok ntzeqelbʼëy we ma nuyaʼ ta qa jontir ri kʼo rkʼë.