Hebreos

18 Reʼ ntel chë tzij chë ri pixaʼ ri xyaʼöx ojer ma nkʼatzin ta chik rma majun ta chik rqʼij. 23 Chqä, rma ri sacerdotes xa yekäm, ma yekowin ta wä chik nkiʼän ri kisamaj, rma riʼ xekʼatzin nkʼaj chik sacerdotes rchë xekanaj qa pa kikʼexel. 24 Ye kʼa rma ryä majun bʼëy xtkäm ta, ma xtkʼatzin ta chë jun chik sacerdote xtkanaj qa pa rkʼexel. 25 Rma riʼ ryä chqä nkowin yerköl ri winäq ri yejelun rkʼë Dios pa rbʼiʼ ryä. Chqä, rma ma nkäm ta, ronojel mul xtkowin xkertoʼ ryeʼ rchë xkejelun rkʼë Dios. 26 Rma röj nkʼatzin jun qasumo sacerdote achiʼel ryä, rma ryä kan nuʼän ri nuʼij, majun ta mak nilitäj chrij, ma nuʼän ta ri nkiʼän ri ajmakiʼ chqä kan kowan uchqʼaʼ yaʼon pa rqʼaʼ chlaʼ chkaj. 27 Ryä ma achiʼel ta ri nkʼaj chik sumos sacerdotes, rma ma nkʼatzin ta yeruʼän sacrificios ronojel qʼij —naʼäy jun sacrificio rma rmak ryä y chrij riʼ rma ri kimak ri winäq— rma kan jurayil xuʼän yän riʼ taq xyaʼ riʼ pa kamïk.