Hebreos

2 Xbʼan ri naʼäy peraj che rä ri jay riʼ ri akuchï kʼo wä ri kantil ri kʼo 7 qʼaqʼ che rä, ri mesa chqä ri kaxlanwäy ri yetzuj chwäch Dios y xbʼix Santo che rä. 3 Ye kʼa chrij qa ri rkaʼn cortina kʼo wä ri peraj jay ri xbʼix Santísimo che rä. 8 Ye kʼa ri loqʼoläj rchqʼaʼ Dios nuqʼalajsaj chqawäch chë taq kʼa kʼo na wä ri naʼäy jay, ma tzjon ta wä chrij ri bʼey ri nqrkʼwaj chpan ri santo. 9 Pa qaqʼij komä, re jay reʼ kʼo jun nukʼambʼej tzij y, achiʼel wä xbʼan ojer, komä chqä yebʼan sacrificios. Ye kʼa reʼ ma nkiʼän ta chë kan jurayil chʼajchʼöj nuʼän kiconciencia ri winäq ri nkiyaʼ rqʼij Dios. 12 Ryä xa jmul xok y chriʼ xkanaj wä ri akuchï kan loqʼoläj wä, ye kʼa ma kikʼë ta kikikʼel kʼsïkʼ nixta kikikʼel ri aläj taq wakx xok apü, ryä kan rkʼë rkikʼel xok apü y rma riʼ xkowin xyaʼ jun kolotajïk chqë röj rchë nbʼä qʼij nbʼä säq. 14 [...] xtjosqʼij ri qan chkiwäch bʼanobʼäl ri ma yekʼatzin ta, rchë ke riʼ xtqayaʼ rqʼij ri kʼaslïk Dios. 22 Achiʼel nqatzʼët, ri Rpixaʼ Moisés nuʼij chë kan jontir bʼaʼ nchʼajchʼobʼëx rkʼë kïkʼ, y, we ma ntix ta kïkʼ, majun ta kuyubʼäl mak. 24 Rma Cristo ma chpan ta jun loqʼoläj jay ri xa winäq ye bʼanayon rchë xok apü, achiʼel wä rachbʼäl ri rachoch Dios ri xjeʼ ojer, ye kʼa ryä kan chlaʼ chkaj xapon wä, rma riʼ komä napon chwäch Dios qmä röj. 25 Ya reʼ ma xbʼan ta rchë ryä kan kʼïy mul xtkʼatzin xtyaʼ riʼ pa kamïk, achiʼel wä nuʼän ri sumo sacerdote ronojel jnaʼ taq ntok chpan ri Santísimo taq nukʼwaj kïkʼ ri ma rchë ta ryä. 26 Xa ta xbʼan riʼ, kan xa xuʼ xebʼan ri winäq chwäch le Rwachʼlew ryä xkʼatzin ta xtäj pä poqän. Ye kʼa komä, chpan re tiempo reʼ ri xtchup rwäch ronojel, ryä xa jmul xkʼatzin xpë rchë xchüp rwäch ri mak rkʼë rkʼaslemal ri xyaʼ pa kamïk. 28 ke riʼ chqä ri Cristo, ri xa jmul xtzüj apü rkʼaslemal chwäch Dios rchë xkʼwaj äl kimak ye kʼïy winäq; y, taq xtkʼüt pä chik jmul riʼ, ma rchë ta chik nukʼwaj äl ri mak, y kan xtkitzʼët ri kan rkʼë ronojel kan kiyoʼen apü rchë yekol.