Éxodo

2 Ma keʼatzeqelbʼej ta ri winäq rchë naʼän ri ma ütz ta tapeʼ kan ye kʼïy yebʼanö riʼ chqä ma tatzʼük ta tzij chkiwäch ri qʼatöy taq tzij xa xuʼ rchë yeʼatoʼ ri winäq riʼ. 20 Xtintäq äl jun ángel rchë xtnabʼiyaj chawäch, rchë ke riʼ xkaturchajij pa bʼey chqä xkaturkʼwaj akuchï nbʼanon chik rbʼanik rchë yajeʼ. 21 Takʼoxaj ri xtuʼij chawä chqä tanmaj rtzij. Ma taʼän ta wiʼx chwäch rma ma xtküy ta amak, rma ryä bʼenäq pa nbʼiʼ rïn.