Deuteronomio

4 Tinamït Israel, tiyaʼ ixkïn chwä. Xa xuʼ jun Jehová kʼo, y ya riʼ Jehová ri qaDios. 6 Ri tzij ri najin nbʼij chawä komä kʼo chë njeʼ chwäch awan, 7 y kʼo chë nakʼüt chkiwäch ri awalkʼwal y natzjoj chkë taq yït tzʼyül chawachoch, taq yït bʼenäq pa bʼey, taq yapneʼ (yakotzʼeʼ) y taq yakatäj. 8 Taxmaʼ chrij aqʼaʼ rchë ke riʼ xtnatäj chawä; kʼo chë xtuʼän kan achiʼel jun rkʼaj tzyäq ri naxïm nkʼaj awäch. 9 Tatzʼibʼaj chuchiʼ rpuertas awachoch y chuchiʼ rpuertas atinamit. 10 Taq Jehová aDios xkaturksaj chwäch ri ilew ri xuʼij che rä Abrahán, Isaac chqä Jacob, ri kimamaʼ iwatiʼt imamaʼ, chë xtyaʼ chawä —jun ilew ri ye kʼo nmaʼq chqä ütz taq tinamït chwäch ri ma yït ta rït xabʼanö, 11 jay ri kan kʼïy achkë jun ütz ye kʼo chpan ri ma rkʼë ta awchqʼaʼ rït xeʼachʼäk wä, jül ri yekʼol yaʼ chpan ri ma yït ta rït xakʼotö chqä uvas y olivos ri ma yït ta rït xatkö— y taq ya xawaʼ chqä xanuj, 16 Ma tiʼän ta achiʼel xiʼän pa Masá taq xiʼij: «Nqatzʼët ni kʼa si Jehová qaDios kantzij xtqrtoʼ pä o manä».